domingo, 1 de abril de 2012

Hakat Ba Segunda Ronde, Loke Ona Espasu Politika Hodi Hadia Postura Politika

Sesta, 30 Marsu 2012 - 15:41:32 OTL

Posting Husi : Josefa Parada
Kategoria : Notisias Online - Le'e dala : 165 Ona.


DILI- Hakat ba Elisaun Presidensail segunda ronde, loke ona espasu politika boot, ba kandidatu ida-ida hodi hadia sira nia postura politika ba elisaun.

Kandidatura Presidenti Republika (Kamprez) Fransisco Guterres Lu-Olo hateten Rezultadu husi elisaun Primeru ronda, povu hatene katak Lu-Olo ho Taur Matan Ruak maka lori ba segundu ronda.

“Hakat ba sigundu ronda ida nee, hau bele dehan katak loke ona espasu politika ida boot tebe-tebes, ba kandidatu ida-ida hodi hadia ninia postura politika atu ba sigundu ronda ho susesu,” hateten Kanprez Lu-Olo, liu husi nia deskursu wainhira halao inkontru ho sosiadade sivil sira iha FONGTIL, Caicoli, Dili, Sesta (30/03).

Iha sistema fenomena politika ida nia laran, maka sira nain rua normalmente kandidatura mas ho dame buka oinsa hetan apoiu atu hakat ba oin, ho karakteristika oi-oin.

Iha parte seluk Jose Freitas nudar partisipante hateten sira mos apersia ho kandidatu Presidenti Lu-Olo nia espelikasaun, tamba ho programa no planu ida nee bele alkansa ba oin ho diak. Informasaun kompletu iha STL Jornal no STL Web, edisaun Sabado (31/3). Joao Anibal/ Thomas Sanches

Mari Alkatiri: Otonomista mak iha Taur Matan Ruak nia kotuk


         RESOLVE PROBLEMA VETERANUS
         
         AJENDA 500 ANOS MISIONARIUS KATOLIKU TO’O  TIMOR-LESTE

Dili. Vizita oficial PM Kay Rala Xanana Gusmao ba Resiaun Espesial Oecusse hahu loron 26 Fulan Marsu to’o loron 30 Fulan Marsu tinan 2012, hodi halao servisu oficial no Estadu nian. Haktuir nota protestu ne’ebe maka hasai husi Gabinete PM Diresaun Media nian, ne'ebe Forum Haksesuk (FH) hetan acesu, katak, ”PM Kay Rala Xanana Gusmao ninia vizita ba rejiaun especial Oecusse ba halo servisu Estadu nian”.
Hatutan nota propotestu, ”ajenda rua mak sai nudar focus ba vizita PM Kay Rala Xanana Gusmao nian, mak: 

1. Problema ne’ebe mosu iha Veteranus iha rejiaun especial Oecusse. Presensa PM ho membros  governus hanesan Ministerio Solidariedade Social (MSS), Sekretariu Estadu Antigos Kombatentes ba Libertasaun Nasional (SEAKLN) no Sekretariu Estadu Kultura mos haknar nudar Xefi Komisaun Omenajen. Atu resolve problema pendente entre Komisaun Omenajen rejiaun especial Oecusse no Organizasaun Combatentes Rezistensia Nacional (OCRN) rejiaun especial Oecusse. 

2. Ajenda seluk, preparasaun ba festa 500 anos misionarius katoliku to’o iha rai Timor Estado fó omenajen ba historia Timor-Leste nian, hodi komemora loron bot iha reijiaun especial Oecusse”.
Nota protest ne’e ható ba Jornal Timor Post ninia publikasaun iha edisaun Sexta-Feira (30/03) ne’ebe hakerek katak, ”kampana ba dala uluk  TMR hahu husi Lospalos no Xanana iha Oecusse”.

MARI ALKATIRI: Kamapania Kandidatu PR Ba Segunda Ronda “Otonomista Iha Taur Nia Kotuk”

.

Jornal INDEPENDENTE - Segunda, 02 Abril 2012

Ekipa susesu kandidatu Prezidenti Republika Dr. Francisco Guterres Lu-Olo, Mari Alkatiri halo akuzasaun maka’as hasoru apoiante balun ne’ebe mak durante ne’e iha kandidatu Prezidenti Republika Taur Matan Ruak (TMR) nia kotuk.

Sekrtetariu Jeral Partidu FRETILIN ne’e esplika, otonomista no milisia sira ne’ebe durante ne’e tabele ba kandidatu Taur hakarak aproveita hodi hamosu fali krize iha rai laran.

Ema hirak ne’e mak ohin loron hamutuk ho kandidatu Taur halo intimidasaun ba povu iha eleisaun Primeira Ronda.

“Iha primeira ronda kedas ema mai hatauk ita, Taur la Manan, Krize sei fila fali mai rai Timor Leste, Bosok!, bosok tamba Taur rasik la’os ema ne’ebe maka atu halo krize, sira ne’ebe bat abele ho nia (Taur)sira ne’ebe uluk milisia no oronomista mak halo intimidasaun,” hateten Alkatiri liu husi nia diskursu kampania ba militantes no simpatizantes kandidatu Lu-Olo iha Distritu Aileu, Sub-Distritu Remixiu, Sesta Liu ba.