quarta-feira, 7 de março de 2012

Xanana: Estado Iha Obrigasaun Atu Valoriza Avo Xavi

Primeiru Ministru Xanana Gusmão, hateten bazeia ba konstituisaun RDTL artigu 11 katak estadu iha obrigasaun atu valoriza ba ema ne’ebé ba independensia nasional.

“tuir ita nia konstituisaun artigu 11 katak ita nia estadu iha obrigasaun atu valoriza ema ne’ebé luta ba independensia nasional , hanesan Senhor Francisco Xavier do Amaral, la’os deit lutador ba independensia,” dehan Xanana iha Palasiu Governu Tersa ne’e (06/12)

Xanana hatutan, “Francisco Xavier do Aramal hetan ona rekonhesimentu ba nia estatutu nudar proklamador independensia nudar primeiru prezidente Republika Demokrátika Timor Leste nian, nune’e nia hetna mos direitu hotu-hotu kona ba rejime legal eis titular orgaun soberania”.

Chefi Governu informa, Timor Leste rekonhese Francisco Xavier do Amaral nudar figura preteniente ida ba luta libertasaun independesia Timor Leste nian.

“tamba ne’e maka bainhira nia lakon nia vida, nia husik hela ita, estadu iha dever atu presta onra nebe adekuadu hodi nune’e bele fo hanoin nafatin no reflete ba ema nebe fo nia partisipasaun signifikativa ba independensia,” dehan Nia.

Xanana Haktuir , tuir artigu 14, alinea a. lei no.2/2007 18 de Janeiru , tuir mos rezolusaun Parlamentu Nasional No.10/2007 25 de Julho, dekreta lutu nasional iha teritoriu nasional tomak nudar sinal mate nian ba proklamador independensia Francisco Xavier do Amaral, nune’e ho obrigasaun hodi hasa’e bandeira nasional ho meia asta deit ka setengah tiang.

Antes taka chefi governu deklara “Ho laran triste hosi Konsellu Ministru ho membru governu IV Governu Konstitusionál ami fo hatene ba povu katak, hahu ohin ita hotu husu ba Maromak lori Sr. Fransisco Xavier do Amaral, ba nia sorin hodi tulun nafatin ita, iha ita-nia moris loroloron nian, no ami  Konsellu Ministru ho IV Governu Konstitusional ho familia hato’o kondelensia ba militante partidu ASDT, hahu hosi Turiskai no seluk tan iha Palasiu. (TE)

Dom Basilio do Nascimento: "Kampania Laiha, Laos Kandidatu PR"

SUARA TIMOR LOROSAE - Josefa Parada - Tersa, 06 Marsu 2012

DILI- Bispo Deoseze Baucau, Dom Basilio do Nascimento hatete Kandidatu Prezidente Republika periode 2012-2017, nebe la halo kampania laos kandidatura Prezidente, tamba nunka hatudu programa ba povu durante kampania.

“ Se kandidatu la halo kampania laos kandidatu, kandidatu sira mosu atu halo kampania depois povu mak hare hili ida nebe tuir povu nia hare ne’e, laos hare ida nebe promesa barak liu maibe ida nebe mak povu iha konfiansa,” dehan Dom basilio ba Jornalista Segunda (5/3) iha rezidensia Bispu Baucau Pantai Kelapa.

Igreja nia konfiansa tuir D. Basilio, igreja nia konfinsa liu Jesus Kristu, maibe Jesus Kristu la aprezenta aan hanesan kandidadu pois mak hare bainhira sira aprezenta aan mak ema sira husi igreja nian mos Hili.

Iha fatin seluk Komandante Operasaun PNTL, Superintendente Xefe Armando Monteiro hateten, desde inisiu Komando Jeral PNTL prepara unidade especial, sub unidade seguransa pessoal, prepara membru hamutuk 52 ba kandidatura sira, maibe ba kandidatura Taur Matan Ruak tanba iha lei organika mak fo prioridade hetan siguransa. Timotio Gusmão