quinta-feira, 19 de abril de 2012

Mari Alkatiri Gaba-an dehan "FRETILIN Sei Manaan Iha Eleisaun Parlamentar 2012”

Jornal Fitun Lorosae
By Domingos Soro


Hafoin lakon tiha eleisaun Prezidensial, Partido Fretilin hasoru problema boot tanba iha sira nia uma-laran mossu konfuzaun konaba se mak responsabiliza. Ema barak mak kestiona konaba lideransa hanesan mari Alkatiri nebe'e promete no koalia barak maibe sempre buka razaun hodi justifika nia frakeza. De faktu, militantes barak komessa lakon ona fiar ba partido ne nia lideransa rasik, liu-liu Mari Alkatiri.

Maibe Sekretariu Jeral Partidu FRETILIN Mari Alkatiri horiseik hatete kedas katak partidu FRETILIN sei forte iha eleisaun Parlamentar Jullu 2012, tanba tuir nia, votantes ne’ebe iha eleisaun segunda volta prezidensial ne’e sei fila hotu ba FRETILIN. Deklarasaun Sekjer FRETILIN Mari Alkatiri ne’e transmiti husi Radio Maubere iha Dili, Kuarta (18/04) ne’e.

Alkatiri hatene momos katak kuadros ho militantes barak la fiar ona lideransa, liu-liu nia aan rasik. Tanba loron rua ne, hafoin eleisaun presidensial segunda ronde nebe kandidatu Fretilin, Francisco Lu-Olo hetan derrota boot hosi eis General Taur Matan Ruak. 

Atu halo kontenti nia-an rasik ho militantes Fretilin sira Mari Alkatiri mo hateten katak "ema barak ne’ebe la vota iha eleisaun Prezidensial sei fila hamutuk ho FRETILIN iha eleisaun Parlamentar tuir mai". Ida ne'e hanesan retorika ida nebe Alkatiri halo hodi, hakalma nia militantes sira, tanba nia lakoi hola resonsabilidade mesak ba derrota iha eleisaun prezidensial, tenik Raus Ximemes, miitante Fretilin ida hosi Baucau.

Tuir lolos hatente Raul Ximemes, "iha rai boot sira iha Europa, Mari Alkatiri resigna tiha ona hosi nia pozisaun, tanba nia hanesan diabo boot ida nebe estraga hela deit Fretilin nia imajem, no halo partido ne mohu ba bebeik".
Mari mos hatutan tan iha Radio Maubere katak “Ema barak tauk ba vota, tanba iha ameasa atu ba sunu uma, ita ba vota, sai fali vitima ba a’an rasik, entaun militante sira deside, diak liu hela iha uma hodi asegura risku, maske ki’ik,”. 

Tuir Raul Ximemes, "ema sira halo violensia ne'e mesak Fretilin nia ema deit, nebe'e lider balun iha CCF mak haruka atu halo disturbiu hanesan iha Watolari, Ossu ho Baucau".

 
Mari mos justifika katak "ema balun kritika, katak, FRETILIN lakon eleisaun tanba lideransa mak la diak,” It labele dehan manan ita hotu manan, lakon ita hotu lakon, laos ita manan, dehan tanba militante ba vota, depois lakon dehan lideransa mak la diak, lideransa, hau ho Lu-olo, bainhira ba vota, lori votu ida de’it, labele lori votus ba ema barak, entaun ne’e mak sentidu demokrasia, ba FRETILIN maske lakon maibe sei hakarak mak hametin pas no estabilidade".

Mari gaba an, maibe lori deit lia-fuan sira ne hodi falun nia frakeza, tenik Maria Mendonsa, estudante UNTL ida hosi Same.

1 comentário:

  1. Na realidade loos dunik,, ema nebe maka muda tamba osan, nia sei senti katak laiha misaun seluk mak bele liberta povu no rai doben ida nee husi kiak no mukit, so deit iha FRETILIN. maibe tamba hahalok oportunista sita maka atrai tiha povu maubere nia hanoin maibe, latuir nia dalan,... iha elisaun nee katak,, laiha kompetisaun ida nebe maka justu, tan nee FRETILIN konsidera hanesan eru boot ida nebe maka lideransa partidu seluk sira halo (laos SR. Presidente Taur Matan Ruak). ita hare ba mai Sr.Lu Olo no TMR la seluk la let ida, sira mesak resistensia nia ema,, maibe jogadas nebe mak halo atu nunee oportunidades ne labele monu ba ema manobra sira nia liman. sekarik nee akontese, saida mak mosu wainhira elisaun remata? bele ema dehan hahalok aat sira nee mai husi FRETILIN, maibe FRETILIN nafatin mantein iha objectivu, LAKOHI HALO POVU TANIS" LAKOHI HALO POVU SIMU TERUS BOOT LIU TAN' entau maka hametin unidade, no paz Iha RAI DOBEN TIMOR LESTE" hanesan moto FRETILIN liu Hosi SR. LU-OLO.
    FRETILIN sei manang,, iha elisaun tuir mai no sei laiha tan figura ida mak forte atu hatun FRETILIN. Agora tamba ita hare ba FIGURA SR. Xanana, maun boot,, nee tengki akontese dunik basa tuir komprimisu 24 anos nebe sira halo iha ailaran.

    ResponderEliminar