Isabel: “Hau Nia Kaben Sai PR , Hau Ejiji Tau Matan ba Feto no Labarik Sira”

Sunday, 18 March 2012 08:50 Written by Manuel

Dili MLP –Fen kaben husi Kandidatu Prezidensial Taur Matan Ruak, Isabel Pereira dehan, se povu fo fiar ba hau nia kaben  sai prezidenti da republika liu husi eleisaun ne’e, sei ejiji atu hare’e no ajuda povu TL nia presiza liliu feto no labarik sira.

Hau hare iha 10 anos iha ukun a’an povu sei halerik nafatin husi nia terus laran. ita buka hanusa atu ajuda malu, atu hakma’an povu nia terus no susar.

“Ita hanesan Timor oan, ita hotu mehi katak nasaun ne’e bele sai hanesan nasaun ida riku, forte no hakmatek. Ne’e hotu sai diak sei ita hotu mehi hanesan,” dehan Isabel iha Metiuat, Dili, Sabadu (17/03) Hanesan fen nomos sidadaun ida hau iha resposabilidade moral, atu apoiu hau nia laen no ajuda povu ida ne’e. bele hetan duni ita hotu nia mehi ne’e.

Ajuda mak hanesan espouza ba PR, makse ita nia kondisoen ladiak ba premeira dama. Mais inan oan nain 3 iha nia esperensia iha aktivista Diretus Humanus hanesan mos sidadaun responsavel, buka influensia PR nian atu halo kontaktu ho organizasoens ne’ebe hari iha nasaun ne’e. atu hatutan povu ki’ik no kiak nia lian atu hetan atensaun husi PR.

Area ne’ebe mak importante tuir Isabel area edukasaun, saude no area hotu-hotu ne’ebe povu presiza. Inklui feto sira ita hare presiza teb-tebes iha atensaun nomos ferik ho katuas, faluk no oan kiak sira.

“Hau hanoin ida ne’e mak hau sei halo, halo tuir kapasidade ne’ebe hau iha,”dehan isabel.