Tuir Konselleiru Organizasaun Juventude Partidu (OJP) CNRT, Zito Matos hateten katak Alin juventude sira atu prepara a’an hodi disidi imi nian vida iha futuru tamba tempu to’o ona ba ita juventude sira atu bele prepara a’an hodi sai lideransa foun ne’ebé diak.
“Hau husu ba alin joven sira atu bele prepara a’an hodi disidi imi nian vida iha futuru tamba tempu to’o ona ba ita atu bele prepara a’an hodi lori nasaun ida ne’e ba oin”dehan Zito Matos iha Konsolidasaun Partidu CNRT iha Suku Comoro,Sub-Distritu Dom Alexo, Sábadu (04/02) Nia mos informa tan katak husu ba juventude sira atu lalika hanoin deit tuda malu no halo violensia maibe hanoin mos ba futuru tamba tempu to’o ona ba juventude sira atu bele hadi’a nian moris tamba agora la’os tempu ona atu halo violensia maibe atu halo dezenvolvimentu ba nasaun ida ne’e.
“Husu ba juventude sira atu uza oportunidade ida ne’e ho didiak tamba agora la’os tempu ona atu hanoin deit violensia maibe tempu atu hadi’a moris iha futuru tamba ne’e juventude sira tenke disidi imi nian a’an hodi kaer metin katak hau mak futuru nasaun nian”dehan nian
Iha fatin seluk, Mateus dos Santos hanesan juventude Partidu CNRT hateten katak hau sente orgollu tebes ho mensajen husi Konselleiru juventude Partidu CNRT nian ne’ebé fo nian korajen ba ami juventude sira liu-liu juventude Comoro atu prepara a’an hodi hadi’a moris iha futuru.
“Hau sente orgollu tebes ho Mensajen husi Konseleiru juventude Partidu CNRT nian ne’ebé iha interese bo’ot ba ami juventude sira hodi prepara a’an atu bele hadi’a moris iha futuru tamba tempu to’o ona ba ami juventude sira”dehan nian
Iha fatin seluk , Fransisco Pereira hateten katak Mensajen ida ne’e hanesan fo hanoin fila fali ba ami juventude sira atu bele bok a’an ona tamba tempu ona ba ami hodi prepara a’an atu bele lori nasaun ida ne’e ba oin.
Sem comentários:
Enviar um comentário