Sekjen fo pose ba estrutura Partidu CNRT iha Suku Afaloika.

Tuesday, 20 September 2011 16:37 Written by M X

 Afaloikai- Sekretátiu Jeral Partidu Kongresu Nasional Rekonstrusaun Timor Leste (CNRT), Dionisio Babo fo pose ba estrutura Partidu CNRT iha Suku Afaloikai Subadistritu Uatucarbau Distritu Viqueque hodi kompleta estrutura Partidu nian iha baze.

Relasiona ho eleisaun jeral ne’ebé maka besik Partidu Kongresu Nasional Rekonstrusaun Timor Leste (CNRT), komesa halo konsolidasaun iha teirtóriu Timor laran ho sistema “door to door” tama sai aldeia sira teritóriu laran hodi monta estrutura Partidu nian atu alkansa objetivu iha tinan 2012.

Tuir Sekretáriu Jeral Partidu CNRT, Dionisio Babo hateten katak objetivu husi konsolidasaun no fo pose ba estrutura iha baze ne’e atu manan Vitoria iha eleisaun 2012. “Lideransa Partidu CNRT husi Nasional no hamutuk lideransa lokal suku rua  ne’e hodi konsolidasaun no prepara meta saida estrutura nasional too kraik atu esporsu aan manan vitória iha eleisaun jeral 2012” Dionisio Babo hateten ba jornalista Domingu (18/09/11)  iha Suku Afaloikai.

Bainhira Sekretáriu Jeral Partidu CNRT ne’e fo pose ba estrutura Partidu nian foun  iha Suku Afaloikai nia husu estrutura foun ne’e atu servisu liu tan iha baze no fo aan duni Partidu CNRT, “ hau husu ba ita boot sira ne’ebé tama iha estrutura Partidu nian no ita boot sira ne’ebé maka ohin simu tenke servisu maka’as liu tan no ema ida tenke dada ema nain rua hodi tama mai Partidu nia laran” tenik Sekjen.

Sekjen ne’e mos imforma tan katak lideransa Partidu husi nasional mai ko’alia ho estrutura Partidu nian no fahe programa governu nian liu-liu programa ne’ebé hanesan ho objetivu programa Partidu nian.

“Ami mai ko’alia ho estrutura Partidu CNRT nian iha baze nomos ami fahe imformasaun programa governu nian liu-liu programa sira ne’e iha relasaun ho objetivu  Partidu nian,

Primeiru ko’alia konaba objetivu sentral Partidu CNRT nian maka Dezenvolvimentu iha rai laran ne’ebé maka planu tiha ona iha Planu Estratéjiku Dezenvolvimentu Nasional (PEDN)” Sekjen Imforma.

Sekretáriu Jeral ne’e mos promete katak bainhira iha 2012 povu fo fiar ba Partidu CNRT la presiza atu tun ba kraik maibe atu implementa deit ona tamba antes ne’e Primeiru Ministru, Kay Rala Xanana Gusmão rasik maka konsulta ona ho povu sira iha teritóriu Timor laran tomak.

CIJTL: Militante Partidu Fretilin Afilia Ba Partidu CNRT

Written by Domingos Silva Tuesday, 20 September 2011 12:16

CJITL Eleisaun, Militante husi Partidu Fretilin ofisialmente deklara a’an hodi afilia ba Partidu Kongresu Rekonstrusaun Timor Leste-CNRT tanba hare ba lideransa no Programa Partidu ne’e nian.

Armindo da Silva nuudar Delegadu ba Partidu Fretilin  nian, iha Sábadu 17/9 kalan ofisialmente deklara a’an sai  husi Partidu Fretilin no hodi afila fali Partidu CNRT tanba nia hare ba programa Partidu CNRT nian maka bele halo dezenvolvimentu iha rai ne’e no Lideransa Partidu nian ne’e uluk kedas terus hamutuk  sira iha ailaran tempu okupsaun Indonézia.

 “Hau desidi Sai husi Partidu Fretilin Tanba hau hare programa Partidu CNRT maka diak liu no bele  halo mudansa ba dezenvolvimentu iha Timor Leste”dehan Armind da Silva iha Irabere.

Nia mos subliña liu tan katak lideransa úniku Xanana maka bele bele halo mudansa ba dezenvolvimentu rai ida ne’e “ hau haree so Xanana deit maka bele halo mudansa ba dezenvolvimentu iha rai laran tamba Xanana maka bele halo mudansa polítika bainhira iha tempu rejistensia laran hodi liberta rai ida ne’e.

Armindo Da Silva mos nudal Liurai Irabere-Afoloikai Distritu Viqueque husu ba nian familia sira no povu tomak  atu fo fiar ba Kay Rala Gusmão  atu  kaer ukun dala  ida tan iha eleisaun 2012.

“Hau husu ba Familia, no Povu tomakkatak iha eleisaun jeral 2012, ita hotu vota CNRT tanba Xanana maka herói ba Nasaun ida ne’e nian, no ba herói ba dezenvolvimentu” tenik Armindo.

Nune’e mos Sekretáriu Jeral Partidu CNRT, Dionisio Babo fo bem vindu ba Armindo da Silva ho nia Família tomak ne’ebé maka hakarak mai hamutuk ho CNRT hodi luta ba dezenvolvimentu Nasional.

TE: Xanana Gusmão Partisipa Aniversariu Asembleia Jeral ONU

Primeiru Ministru, Kay Rala Xanana Gusmão, Segunda (19/09) hala’o viajen bá iha Nova Iorke, Estadus Unidus hodi hola parte iha 66ª Asembleia Jerál Nasoens Unidas nian, nó durante Xanana Gusmão iha ne’ebá, Nia sei ko’alia kona-ba progresu ne’ebé mak Timór-Leste hetan ona.
 
Iha loron 20 fulan Setembru ne’e mós, primeiru ministru Timor-Leste sei hala’o diskursu nó Nia mós sei ko’alia kona-ba tema ne’ebé mak relasiona ho progresu ne’ebé mak Timór hetan ona, hanesan planu tranzisaun nian.

Primeiru Ministru afirma lia hirak ne’e ba Jornalista sira, molok atu halao viagen, hafoin halao sorumutu altu nivel nian ho Nasoens Unidas iha Palasiu Prezidensia, Aitaraklaran-Dili.

Xanana Gusmão hateten, nu’udar primeiru ministru, nia sei ko’alia iha oportunidade aniversariu Asemblei Jeral Nasoen Unidas kona-ba progresu balun ne’ebé iha ona nó nia mós sei ko’alia kona-ba akordu ne’ebé asina ona ba Planu Tranzisaun husi Misaun Integrada ONU nian, iha Timor-Leste. (falcao)

Mari Alkatiri Soe Rai-henek ba Povo nia Matan, Hodi Defende Nia Interesse

Quem apreciam essa liberdade e quem está enganando os pobres?

By Tama Laka AQUITA

Um pecado político "Marie Alktiri" que não pode ser perdoado, é um produto legal que assegurem melhor a suas próprias vidas do que as vidas de muitos que ainda são pobres. "Decreto lei Pensao Vitalisia feita e assinada pelo ex-primeiro-ministro Estanislau Aleixo da Silva e Maria Madalena Brites Boavida como ministra do Planu e das finanças, 02/ 2007. (Leia: Decreto lei Pensao Vitalisia)

Besik tinan sanulu ita hakuto a’an hosi kolonialismo iha ita nian rain, besik tinan sanulu ona mak ita restaura ukun rasik a’an iha 20 de Maio 2002. Povu Timor-Leste tomak ho esperanca bo’ot atu hetan moris diak, iha vida moris loron-loron nian iha ukun rasik a’an ida ne’e, tuir dalan nebe’e saudoso, heroi sira mehi ba povu ida ne’e, maibe tinan sanulu ona mak povu hein ho esperanca bo’ot oinsa atu hadia moris, tuir dalan moris nebe sira iha, liu-liu iha sector hotu liu-liu sector nebe sai hanesan “asset mati” ba agricultores sira; Rai, Natar ho To’os.

Ita nian rain iha rikeza oi-oin; mina ho gas nebe potensia bo’ot teb-tebes atu desenvolve povu nian moris, alen de ita iha mina ho gas ita mos iha café, ai-kameli, Nu’u, kamii ai-oan mutin, batar, ai-farina, manganese, marmer ho potensia sira nebe mak bele fo benefisio direitamente ba povu. Ho potensia riku soin nebe mak Rai Timor iha, povu precisa lideranca politico ida nebe ho laran luak hakarak hanorin povu atu hatene saida deit kona ba, saida mak politika; Politika kona ba ekonomia nian, politika kona ba saude nian, politik kona ba edukasaun nian liu-liu kona ba politika agricula i oinsa atu desenvolve ekonomia povu nian nebe povu hetan benifisio diretamente hosi area ida ne’e.

Ukun rasik a’a nebe povu nebe iha rai ida ne’e sacrificka sira nian moris tomak, ukun rasik a’an nebe, povu moris hamutuk ho assuwain FALINTIL no povu nebe fo’o nia contribuisaun itoan ka barak to’o hetan indenpendesia liu hosi dalan “Referendum 99”. Ikus mai, ukun rasik a’an ne’e sai hanesan mehi ida nebe sai realidade, maibe mehi ne’e mehi mamok, tan deit luta nain sira nebe mai hosi liur ho titlu DR, no Engr. halo uluk lei nebe’e bele fo’o garante ba sira nian moris do que povu. Povu lahatene nia moris ne’e atu sai oinsa los.

Tamba sa mak ita hateten povu lahatene sira nian moris ne’e atu sai oinsa? Tamba lideranca politik Partido FRETILIN DR. MARIE ALKTIRI nudar Eis-Premeiro Ministro wainhira resigna a’an tiha apresenta Lei Pensaun Vitalisi nebe nia copy hosi Lei pensaun vitilis Mozambique nian, introduz lei ne’e ba Parlemento Nacional liu hosi Eis-Premeiro Ministro Estanislau Aleixo da Silva hodi halo lei ne’e hodi garante uluk sira nian moris no family nian moris duke povu ki’ik no kiak sira nian moris. Ikus mai se mak sai vitima ba produto lei sira nebe maka sira introduz, no lei sira nebe mak sira aprova? Povu. Povu ida nebe trabalhadores, povu ida nebe agricultores, povu ida nebe moris ki’ak no kbi’it laiha tamba injustisa social sira ne’e. Se mak sala ba decisaun politik nebe mai hosi ita ida-idak nia votos? Ita, ita rasik, ita nebe mak fo votos ba partido politik ho lideranca sira nebe mai to’o iha ita nian Distrito, Sub-Distrito, Suco no Aldeia, lideranca partido politik sira nebe Ita rasik hili, maibe Ita la konyece. Lideranca partido politik sira nebe tinan lima-lima mak mosu mai ita nia oin ho promessa oin-oin ho osan no sasan oin-oin hodi manan ita nian votos iha tempo atu tama eleisaun geral, osan mean nebe ita iha, mak ita votos. Votos osan mean nebe Ita fo’o iha Eleisaun Geral hodi sira ba ukun rai ida ne’e.

Eleisaun Geral dala rua ona mak ita hili no fiar ba sira. Eleisaun geral dala rua ona mak ita fo’o ita nia votos osan mean ba lideranca partido politico sira, votos nebe ita fo’o sem fo’o fila nia valor tomak, tuir ita povu nian hakarak. Maibe tamba ita beik no lahatene lei tan ne’e ita nian votos osan mean nebe’e ita fo’o sai folin laek.

Wainhira Primeiro Governu Partido FRETILIN nebe Lidera hosi DR. MARIE ALKTIRI halo lei sira ne’e mosu, iha ita nian oan sira nebe uluk hakilar lori ita nian lian katak; “Lei Pensaun Vitalisia, lei moe laiha”, sira mos la consegue atu trava. La consegue trava tamba la,os sira lahatene ka laiha konyecimento ba lei sira ne’e, maibe tamba sira hatene katak sira iha ona poder agora atu oinsa atu defende no oinsa bele hametin liu tan. Saida mak acontece iha povu nian oin sai oin seluk, iha parte ida hateten; sei halo alterasaun ou halo revisaun ba Lei Pensaun Vitalisia maibe iha parte seluk husi kotuk assina no aprova tiha lei ne’e.

To’o ohin loron atu tama tinan lima ona, to’o ohin loron atu tama eleisaun geral 2012 ona, maibe to’o ohin loron laiha deputado ida mak barani husu halo revisaun ba lei nebe’e halo povu sai vitima. Deputado sira sempre hateten katak; “ami mak representa povu” mas labele halo alterasaun ka revizaun ba lei nebe mak garante liu lideranca politika sira nia moris depois de tinan lima. To’o ohin loron ita povu ki’ik no kiak lahatene buat hotu kona ba lei ne’e.

Se eis titular iha direito tuir lei nebe sira aprova, povu trabalhadores no camponeses iha liu direito ba “seguro da vida” ka “benifisio” hosi estado tamba sira mak autor desenvolvimento. Benifisio ka subsidiu la’os hetan deit hosi programa desenvolvimento governu nian nebe la’o dadaun ka atu hala’o tuir. Maibe tenki iha benefisio ida nebe direitamente ba familia ida-idak atu nune bele iha esperanca katak estado garante future povu nian oan sira aban bain rua.

Oinsa Lei Pensaun Vitalisia nia lala’ok garante Eis-titular Primeiro Ministro no nia Eis-Titular Ministro sira nia moris iha loron ikus, wainhira sira la tur hanesan primeiro ministro ou ministro ona, ka la tur hanesan secretario estado, ka la tur hanesan Deputado ona.

“Tuir mai hakerek nain hakarak hosik hela ba povu tomak atu hatene oinsa ho Lei Pensaun Vitalisia nebe aprova iha Governu Partido FRETILIN, Governu se deit mak ukun Rai ida ne’e tenki hasai despesa osan ba Ex-Primeiro Ministro DR. MARIE ALKTIRI hodi garante nia moris ho montante osan ida nebe bo’ot tebes enquantu povu sei moris kiak nafatin.

Familia husi eis-titular Primeiro Ministro bele ba rai liur (pasiar ka halo tratamento saude) Estado mak selu hotu. Hetan passaporte diplomatiku, Estado mak hasai osan atu selu ninia uso! Hela iha hotel luxu, han hemu luxu … estado mak selu. Lori ho eskoltu estado mak selu.... Hatama sasan luxu (kareta, material halo uma luxu) estado mak selu, no povu mak agoenta taxa. Loron-loron iha uma deit, sira hetan fasilidade tomak hanesan liu-rai monarquia sira (Inglaterra, Japaun, Espanha, Dinamarka, Noruega, Suessia, nst), estado mak selu… Regalia sira ne’e hotu, sura hamutuk tinan ida bele baku liu $US200, mil dolares americanu.

Lei Pensaun Vitalisia ne’e aprova, iha tempo governo PARTIDO FRETILIN depois de krisi 2006 wainhira MARIE ALKTIRI resigna a’an, iha momento neba Premeiro Ministro ESTANILAU DA SILVA ho MADALENA BOAVIDA nudar Ministra do Planu e das Financas mak assina. Tuir Dekreto Lei 2/2007.

Lista de pedido relatives aos Ex-Titulares dos Orgaos de Soberania

Ex-Premeiro Ministro DR. MARI’E ALKTIRI

1. Contrato de trabalho a termo certo com Senhor Filomeno Aleixo, para trabalhar como assessor do seu Gabinete de trabalho. Senhor Filomeno Aleixo nao e funcionario nem agente Estado, tal como a lei exige e ganha um salario de $2000 dolares/mes;
2. Contrato de trabalho a gtermo certo com a Sra. Filomena Efi para trabalhar como empregada domestic na residencia official $150 /mes;
3. Contrato de trabalho a termo certo com o Sr. Joao Menezes para trabalhar como responsabel de manutencao de rotina, na residencia official $170/mes;
4. Contrato de trabalho a termo certo com o Sr. Abel Noronha para trabalhar como jardeneiro da residencia official $150/mes;
5. Contrato de trabalho a termo certo com o Sr. Manuel dos Santos para trabalhar como o seu motorista $200/mes;
6. Contrato de trabalho a termo certo com a Sra. Palmira de Deus para trabalhar como empregada domestic da residencia official $150/mes;
7. Contrato de trabalho a termo certo com a Sra. Georgina da Costa para trabalhar com chefe do pessoal domestic da residencia official $170/mes;
8. Contrato de trabalho a termo certo com o Sr. Marcelino Bana para trabalhar como seu motorista de reserve $200/mes;
9. Contrato de rehabilitacao da residencia official $429,680.99;
10. Contrato de compra e montagen de movies para residencia official $99,924.89;
11. Contrato de rehabilitacao da residencia temporario $88,408.35;
12. Contrato de arrendemento da residencia temporario$4000/mes, tendo sofrido um aumenta para $6.600/mes depois das obras de rehabilitacao;
13. 2 telemovies para o Gabinete de Trabalho;
14. Viagen do Ex-Titular e respective delegacao ao Sudan do Sul com passage por Portugal;
15. Pedido de comprar de carro para apoio de Gabinete;
16. Pedido de senhas do Combustivel para carro do assessor $1000 dolares/mes;
17. Pedido de pagamento de service de manutencao de viaturas-A1 service $8530,5;
18. Pedido de pagamento de service de instalacao electrica na residencia a empresa TAM ELECTRIC $9934.05

Se Marie Alkatiri hanesan fundador da RDTL ida nebe mai hosi liur ejiji nia direito liu hosi Lei Pensaun Vitalisia (LPV), povu nebe sakrifika nia moris durante okupasaun militar Indonesio iha liu direito ba subsidio ka benefisio hosi estado.

Ho esperanca bo’ot katak; povu sei hetan Benifisio diak liu fali lideranca politik sira wainhira Partido sira nebe tur iha AMP sei halakon tiha lei ne’e maibe to’o ohin loron AMP mos labele halo buat ida atu “kombate korupsaun legal” ida ne’e. Tamba ho Lei Pensaun Vitalisia, eis-titular sira bele simu osan gratuito iha sira nian moris tomak. Tamba estado mak hasai osan ba despesa sira nian familia, no la iha ema ida mak tauk atu hetan akuzasaun tan LPV fo’o proteksaun no imunizasaun!”

Ita hotu sente moris nebe mak ita hasoru, maibe Eis-titular sira la sente, tamba iha Lei Pensao Vitalisia nebe governu anterior “Governu Partido FRETILIN” introduz no aprova sai hanesan lei ida bele garante sira nia moris iha loron ikus to’o mate.

Liu husi Lei Pensaun Vitalisia, eis-titular no nia familia sira bele halo “bisnis” hodi la selu taxa, goza vida tomak hodi la halo servisu ba estado! Se ida ne’e mak lao ona iha ita nian rain. Oinsa ho juventude nebe mak fo’o sira vida tomak ba luta ba ukun rasik a’an ida ne’e? Saida los mak garante sira nia moris aban bainrua nian ? oinsa mos ho juventude sira nebe oras ne’e laiha servisu? Oinsa mos ho povu trabalhadores no agricultores sira la hatene sira nian oan sira nian moris iha loron oin atu sai oinsa?

Liu husi Lei Pensaun Vitalisia, eis-titular sira bele foti osan husi Estado ba despesa família nian. Ikus mai se mak sai vitima ba produto lei sira nebe mak hosi governu anterior apresenta iha Premeiro Governu FRETILIN? Ita rasik, ita sira trabalhadores, ita sira camponeses ka Agricultores, ita sira juventude nebe servisu laiha, ita sira nebe fo’o votos osan mean ne’e ba sira.

Lei Pensaun Vitalisia ne’e hanesan amo Martinho Gusmao hateten katak; Lei Pensaun Vitalisia ne’e hanesan castelo-rocaforte (benteng pertahanan) ida atu nune’e eis-titular sira ne’ebe tama iha laran bele moris hakmatek. Maski Konstituisaun RDTL nian la fo dalan no la fo fatin ba “cargo vitalícia” (jabatan seumur hidup), maibe Parlemento Nasional taka matan deit atu halo “pensão vitalícia” (santunan seumur hidup).

Tuir mai hakerek hakarak hosik hela informasaun nebe iha ba povu tomak atu hatene katak ida ne’e, sira lideranca partido politik sira nebe mai hosi liur hanesan MARIE ALKTIRI HO NIA GRUPO iha liu PLANU ONA BA SIRA NIAN MORIS .

Iha tinan 2008, ex-PM Dr. Mari Alkatiri hahu hakerek surat ba IV Governo Konstitusional, evoka Lei 7/2007, 25 de Julho no mos Decreto 2/2007, 1/Agosto, hosi Governo (FRETILIN), kona ba Direito no Regalias iha Pensaun Vitalisia!

Iha parte ida hateten sai iha public katak; deputado hosi bankada Partido FRETILIN la bele simu kareta, iha parte seluk Eis-Premeiro Ministro DR. Marie Alktiri tinan ida husu kareta foun no simu osan hosi estado no Estado tenki hasai ba despesa familia MARIE ALKTIRI nian durante tinan ida ho montante osan USD $200 mil dolares amerincanu, enquanto povu sei moris susar ho kiak.

Profesores sira nebe sai hanesan ema nebe hanorin futuru nasaun nian moris ho salario menus liu fulan ida USD 300 dolares, ho dedicasaun hanorin hosi aldeia ba aldeia, enquanto infermeiru mediku sira ou ema sira nebe dedika sira nia a’an hodi servi povu iha Sucos ka Aldeia neba moris sem transporte nebe atu bele fasilita sira iha area rural ho salario USD 140 fulan-fulan. Enquanto inan no aman hosi saudoso sira nebe mate hanesan; Nino Konis Santana, Koroasu no sira seluk tan hakerek nain la konsege temi iha ne’e laiha atensaun, hela fatin iha uma a’at no laiha tratamento saude nebe diak, feto faluk ka oan kiak veteranus ida simu USD 100 fulan-fulan, no idozu simu fulan USD 30, Trabalhadores moris ho salario nebe minimu hosi USD 80 to’o USD 100 servisu loron 6 iha semana ida nia laran, laiha “seguro da vida” nune mos ba Funsionario Publiku, Polisia Nasional Timor-Leste (PNTL) ho F-FDTL sira, wainhira hetan azar ka mate iha oras servisu nian ka iha nebe deit, estado so tau matan ba sira, ka hetan subsidiu durante fulan 3 deit. Depois de fulan 3 viuva ho oan kiak sira POLISI ho FFDTL nian moris la hatene atu sai oinsa los!!

Maibe hare fali vantagen hosi lei nebe mak Governu anterior nebe lidera hosi Partido FRETILIN halo. Lei nebe fo’o moris liu Eis-titular Primeiro Ministro, Eis-titular Ministro, Eis-titular Secretario Estado ho eis-titular Deputado sira. Eis-Titular nian moris garante liu ho lei “pensaun vitalisia” (santungan seumur hidup). Hosi lei ne’e, ita hotu nudar povu nebe ki’ik no kiak, tamba ita lahatene no lakoi buka hatene lei, ema matenek sira mai hosi liur halo ita sai beik liu tan.

Ho komparasaun nebe’e hakerek nain cita iha leten hatudu momos katak “pensaun vitalisia” sai hanesan lei nebe mak, nakonu diskriminasaun iha vida moris nudar ema Timor oan i psikologikamente oho povu, tamba Lei Pensaun Vitalisia ne’e garantia liu ukun nain moris duke povu ki’ik no kiak sira.

Lei Pensaun Vitalisia mos halo ema matenek sira hare partido laos hanesan fatin atu ba tau hamutuk hanoin atu desenvolve nasaun ida ne’e, maibe hare partido politik hanesan fatin ka dalan (Batu Loncatan) atu ba hetan poder. Poder politico la’os ona fatin atu ba servi povu, maibe hare poder politico sai hanesan fatin ka profisaun ida, matenek sira la’os ona hare partido politiku hanesan fatin atu hanorin politika ba povu atu hatene politika.

Tamba lei no kondisaun nebe mak iha, desemprego kada tinan sempre aumenta, laiha industria ka fatin servisu , kondisaun nebe iha fo dalan, no mos, fo hanoin ba matenek sira nebe mak foin akaba sira nian estudus S1 S2 S3 ka DR atu aproveita oprtunidade nebe iha, liu hosi hari’i partido politiku no tama partido politik ka hare partido politiku sai hanesan fatin atu hetan “Santunan seumur hidup”.

Wainhira matenek sira hare partido politico la’os ona fatin atu hanorin politika ba povu, la’os ona hare partido politiku hanesan fatin atu luta hamutuk ho povu ba dalan desenvolvimento I la’os ona partido politika hanesan fatin atu luta ba povu nebe kbi’it laiha no mukit nian lian. Iha nebe matenek sira hare poder ka kekuasaan hanesan profisaun katak; tinan lima nian laran tenki aproveita poder nebe mak iha.

Mai ita hamutuk halakon no hapara injustice social-ekonomia no diskriminasaun nebe mak ita hotu senti. Hamutuk ita hakilar ba kolonialista kulit metan. Maubere oan mak ita, ita sira nebe senti moris nebe ita rasik hasoru. Maubere oan mak ita sira nebe moris laiha kbiit to’o ohin loron. Hader ona ba, hamrik ona ba, hamutuk ita hakilar direito ita nian nudar povu nebe’e, ema sei halo beik nafatin. Hamutuk ita hakotuk Injustica social-ekonomi no Diskriminasaun nebe iha, liu hosi Julgamento Politiku Eleisaun Geral 2012. Obrigado.

CNRT nia Objetivu Mak Servi Povu Susar no Mukit

Written by Domingos Silva - Monday, 19 September 2011

CJITL Eleisaun, Prezidente Partidu CNRT Xanana Gusmão hateten Partidu CNRT atu servi rai no povu ida ne’e liu liu atu servi povu ne'ebe moris susar no mukit.

Partidu CNRT hamrik hodi servi nia povu no sei haree populasaun sira ne’ebé sei moris terus no susar tanba ne’e mak Partidu CNRT hodi hamrik no haree ema ki’ik sira no ema ne’ebé moris terus hela.

“Partidu CNRT hanesan Partidu bo’ot ita harii ita nia estrutura hodi hametin ita nia sistema ne’ebé ita hala’o ona” dehan Xanana.

CNRT nudar Partidu tenke reforsa a’an atu defende ida ne’e, ohin dader prezinte Partitu Komite Sentral Komunista husi China mai hasoru hau, ami koalia konaba relasaun governasaun Timor Leste ho China nia dehan ami kontente tebes-tebes tamba iha relasaun diak ho Partidu CNRT, Sei kuandu ita atu halo relasaun diak ho Partidu seluk ita tenke konsidera Partidu seluk no ita fo formasaun ba kuadru Partidu sira tamba ita presiza relasaun diak ho kuadru politiku hotu.

“Hau dehan ba nia ami jerasaun tuan hakarak hare iha tinan 10 oin mai kuatru Partidu sira ne’ebé kompetente ne’ebé atu kaer rai ida ne’e.

Nia mos haktuir tan katak iha politika iha ekonomia iha relasaun internasional iha buat hotu-hotu ami nakloke ne’e duni Partidu la’os deit ita atu mai temi Partidu seluk nia naran.

Membru FRETILIN Mudansa Kestiaona “Frente-Mudansa Trai Prinsipiu FRETILIN-Mudansa”

.

Jornal Timor Post - Tersa, 20 Setembru 2011

Grupu FRETILIN-Mudansa (GFM) konsidera Partidu Frente-Mudansa trai prinsipiu grupu Fretilin-Mudansa tanba promete ba povu atu hadi’a partidu FRETILIN maibe la’os hari’i ketak fali partidu.

“Ami nia preferensia besik liu mak partidu sira ne’ebe nia ema mai husi FRETILIN, maibe Frente-Mudansa ami sei la halo tamba sira (Frente-Mudanse) trai prinsipiu GFM nia ne’ebe trasa iha tinan 2007, katak Fretilin-Mudansa moris atu hadia FRETILIN maibe ami bosok ba hari’i fali partidu Frente-Mudansa, ne’e mak difisil ami atu hamtuk ho sira (Partidu Frente-Mudansa),” membru FRETILIN-Mudansa, Abilio Oliveira Sereno ba Timor Post iha sentru treinamentu Joao Paulo, Comoro, Sabadi foin lalais ne’e, relasiona ho GMF balun ne’ebe hari ketak ona partidu.

Tuir Abilio katak, Fretilin-Mudansa sei eziste nafatin no sei halo II konvensaun FRETILIN-Mudansa ne’ebe sei hala’o antes dezembru tinan ne’e.

Tamba ne’e. FRETILIN-Mudansa mos sei aliansa eleitoral ida ho partidu sira seluk, ne’ebe mak sai husi FRETILIN hanesan tinan 2007 liu ba, maibe la’os Frente-Mudansa ne’ebe trai fali Prinsipiu GFM.

Militante partidu FRETILIN ne’ebe la kontenti ho lideransa FRETILIN atual ne’e hateten katak, demokratoku ne’ebe la’o iha Timor Leste ne’e, Fretilin-Mudansa Felisita Partidu Frente-Mudansa hanesan aprtidu sira seluk ne’ebe ejiste iha nasaun Timor-Leste laran.

Nia dehan, Fretilin-Mudansa mantein ejisti iha nasaun Timor Leste no nuka atu mehi sai partidu,” Abilio informa Segunda Konvensaun Nasional Fretilin-Mudansa sei hala’o antes fulan dezembru ne’e atu trasa Politika Fretilin-Mudansa.

Abilio hatutan, Fretilin Mudansa sei preparadu no iha tinan 2017 sei fila hamutuk ho FRETILIN hodi hadia FRETILIN diak liu tan.