quinta-feira, 1 de setembro de 2011

Xanana: CNRT Sei Ukun Iha 2012


 Thursday, 01 September 2011 14:20


TDF : Prezidente Partidu CNRT Kay Rala Xanana Gusmaõ fiar katan Partidu CNRT sei hetan votu maioria iha Parlamntu Nasional hodi Forma Governu. “CNRT sei manan iha 2012, tanba ne’e Partidu CNRT sei la halo koligasaun ho Partidu Fretilin” dehan Xanana ba militants no simpatizantes sira iha Oecusse.


Nia hatutan katak nudar Prezidente Partidu CNRT hatene katak iha 2012 ita sei sapu rata, katak CNRT sei dasa mos votantes hosi partido hotu, tanba povo komessa fiar liu tan ona Partido CNRT.. "Konfiansa nebe povo fo no hatudo liu hosi buat nebe ita halo dadaun, servisu governu no servi ba povu nia interesse, mak hal o povo fiar liu tan CNRT", tenik Xanana iha konsolidasaun iha Oekussi iha 30 Agosot 2011.


“Maske agora lider partidu Fretilin balun hahu kolia atu servisu hamutuk ho CNRT, maibe CNRt sei la kohi halo koligasaun ho Fretilin nia estrutura ida agora ne, tanba CNRT nia abut metin ona, eleisaun 2012 sei manan maioria” komenta Xanana.

Tuir fontes iha CNRT, Xanana sei lakohi atu halo koligasaun ho Fretilin tanba, ne lian propaganda ida dehan CNRT hakarak koliga ho Fretilin ne, lia bosokten nebe mai hosi ema bosok ten.


Xanana informa katak CNRT mosu atu rezolve povu nia ejijensia hanesan problema Estrada, uma, ahi la iha, bee la iha, eskola dook, klinika la iha no seluk tan.


Hafoin ne’e Xanana mos fo posse ba Lideransa Partidu CNRT 289 ne’ebe servisu makaas estrutura partidu nian.Nia mos husu ba militante sira atu servisu makaas hodi bele alkansa Vitoria iha eleisaun 2012.

CNRT Fo Treinamentu ba Koordenador Distritu 13


CJITL Eleisaun, Hodi prepara a’an ba eleisaun 2012, Partidu Nasional Rekonstruksaun Timorense-CNRT fo Treinamentu ba Koordenador Distritu 13,  hodi aumenta sira nia kapasidade atu nune'e bele halao servisu ho Profesional liu tan iha Distritu Ida-idak.

Tuir Xefe Sekretariadu Nasional Partidu Kongresu Nasional Rekonstrusaun Timor Leste (CNRT), José Francisco hateten katak fo treinamentu data base ba reprezentante Partidu nian iha distritu 13 atu nune’e bele fasilita diak liu tan sira nia servisu iha baze.

“Hau hanoin ho treinamentu ida ne’e bele fasilita diak liu koordenador sira servisu iha distritu tamba ho data base ida ne’e" Dehan Jose Francisco. Sabdu 27/8 iha Cede CNRT Bairo dos Grilhos Dili.

Treinamentu ne’e fo vantazen boot ba koordenados sira atu nune’e sira bele servisu ho professional iha sira nia distritu hodi bele hasoru eleisaun geral 2012.

Iha parte seluk Koordenador Distritu Baucau, Francisco da Silva katak treinamentu ne’e fo ba kuadro Politikus hotu, oinsa mak bele asesu Internet, no Programa seluk ne’ebe mak Partidu CNRT persiza halao iha Distritu ida-idak.

“Ami sente kontenti wainhira tuir treinamentu ida ne’e, atu nune’e bele fo koinesementu diak liu tan oinsa mak servisu ho frofesional liu tan iha Distritu” dehan Francisco.
Nune’e mos koordenador Distritu Dili, Carlito Cabral hateten ami kontenti tebes wainhira tuir treinamentu ida ne’e, tanba bele aumenta tan ami nia koinesentu oinsa mak bele asesu internet, no oinsa mak bele halao servisu ho frofesional.

“Treinamnetu ida ne’e ami presiza apoiu makas husi Nasional, atu nune’e bele Implementa iha Distritu,  liu-liu iha baze de dadus” dehan Carlos.(Domingos da Silva/CJITL)