MILITANTE FRETILIN LIU 6.700 AFILIA BA CNRT

Dili- TDF: Militante Fretilin hosi Dili no distrito sira hamutuk 6.770 dekara sira nian aan tama ba Partido Congresso Nasional da Reconstrucao de Timor (CNRT) nebe lidera hosi Kay Rala Xanana Gusmao iha Dili horiseik Tersa Feira, 16 de Agosto 2011.

Tuir Teófilo Sarmento Ximenes, prota voz grupo afiliadores sira né katak, sira nia afilisaun ne halo ho sira nia intensaun rasik, no laiha ema ida mak forsa ka haruka sira atu tama. Teofelio hatutan katak “so CNRT mak partido ida nebe haburas demokrasia iha rai laran, no hatudo duni katak respeita valores nebe hakarak kuda iha rai Timor”.

Iha oportunidade né mos, ema nain rihun nen atu hitu ne, hato sira nia deklarasaun ho assinatura idak-idak, no sae ba palko leten hodi assina rasik.  Deklarasaun afiliasaun ne halo hakfodak kedas Komite Central BP-7 nia Sekretario Geral Mari Alkatiri, hodi reazem kedas katak, ema sira ne CNRT mak sosa deit. Mari hatutan katak, “keta halo ema sira ne bosok deit CNRT mais sei vota ba Fretilin”. Mari Alkatiri hatete ho laran triste no oin mean, to sama sala tiha meza ain, atu monu tan. Noa mos dun Partido Demokratiko komessa sosa ema Fretilin nian iha Timor laran tomak

Ema balun hosi Komite sentral Fretilin telefone tun sae horiseik hodi hateet ba TVTL ho media nasional sira atu labele hatun informasaun ne iha Destaque/ Headlines jornal ohin nian. Tuir jornalista sira nebe lakohi temi sira nia naran, Komite Sentral Fretilin telefone ba sira idak-idak hodi ameasa sira atu labele hatun informasaun refere.


Analista sira iha Dili hatete katak, eventu ida né hanesan maneuver politika boot ida nebé sei fo impaktu boot ba Fretilin nia eleisaun interna ho pakote úniku (Mari – Lu-Olo) iha dia 20 de Agosto mai.


Iha fatin eis-eskola Xina, Nu laran ka Bairro dos Grillos né, ema sira fo hotu sira nia konfiansa ba Kay Rala Xanana Gusmao nudar president Partidu CNRT atu ukun nafatin rai n’e, hodi liberta povu hosi mukit no kiak.  Sira mos deklara sei la partisipa iha eleisaun interna “Pakote Úniku” Fretilin nian iha 20 de Agosto tanba konsidera né hanesan traisaun ba demokrasia nebé Mari Alkatiri ho nia ema sira tenta atu bosok povu Timor oan.

Deklarantes sira ne, mesak reprezentaes klase media Fretilin nian ho reprezentantes boot balu hosi distritus hotu iha Timor laran nebe hosik hele sira nia Partidu Fretilin hodi tama mai CNRT. Eventu ne laos doko deit Dili mais halo ema Fretilin barak mak komessa hatene no husu lolos sobre eleisaun pakote úniku nebe sei halo.


José Mariano, hosi Lautem hatete katak “kamarada Mari-Lu durante né lohi hela povu tun to baze dehan katak pakote úniku mak demokrasi”. Sira barak iha baze hanoin katak Mari ho Lu-Olo mak atu kompete malu fali iha eleisaun mai. Afinal sira nain rua hamutuk, no la fo fatin ba ema seluk atu kompte ho sira. Tuir observasaun jornalista jornal né nian, eis-militantes Fretilin barak mak hakfodak tanba durante né sira hanoin Mari ho Lu-Olo koalia konaba demokrasia hanesan sira rona no hatene, katak ema kompete malu. Maibe, afinal laiha no bosok deit.

Porta Voz Teofilo Sarmento Ximemes, iha oportunidade ne deklara mos katak, militantes rihun ba rihun mak sei la ba vota ba "demokrasia bosokten" ala Mari Alkatiri. "Mari Alkatiri so hakarak atu lohi povo beikten hodi lori nia interesse privadu, maibe to loron ida ita sei fo sai ba publiku konaba nia interesse ho nia familia nia interesse ba publiku" tenik Porta voz ne.


"Afinal tanba deit Mari ho Lu-Olo  nia interesse atu hadau poder, sira inventa kampanhe interna hodihodi lori Fretilin nian naran, hatete aat partidu seluk no hatete aat maun Xanana Gusmão, lider máximo rezistensia nian. Ida ne mak ita labele simu", tenik tefilo Sarmento Ximemes. Jos

Mari Alkatiri Hakarak Hadau “Francisco Xavier ba FRETILIN Hosi Bloko Proklamador no Hakarak Koliga ho CNRT”

Vice Sekjer CNRT: CNRT Seidauk simu FRETILIN nian aplikasaun hanesan Mari Alkatiri hakarak.

Segunda, 15 Agusto 2011

Dili- Maske Mari Alkatiri ho Fretilin nunka konsisdera proklamador Francisco Xavier do Amaral nudar proklamador RDTL, maibe tanba tauk deit grupo hanesan Bloko Proklamador nebe hamutuk ho partidu ASDT forma koligasaun, Sekretariu Jeral Partidu FRETILIN Dr. Mari Alkatiri deklara sei salva proklamador Francisco Xavier do Amaral, tanba Xavier Patrimonia FRETILIN ninian.

Nune mos, Mari Alkatiri husu CNRT atu koliga ho Fretilin maski CNRT rasik seidauk simu aplikasaun formal ida hosi Fretilin rasik.

Lia fuan ne Mari Alkatiri hasai iha Cede Comite Central FRETILIN, Comoro, Dili. Tuir Hermenegildo Kupa Lopes, porta Voz Bloko Prokalamador, Mari Alkatiri hanesan mehi iha loron manas (mimpi di siang bolong). Durante ne’e nega avo Xavi nudar proklamador no la interesse ho Avo Xavi, agora Mari Alkatiri halo maneuver hodi dehan katak nia mak salva avo Xavi. Ne moe boot ida, hatete milintante bloko prokalamador ida iha Lecidere foin dadaun ne’e.

“Balun agora ate derepente kaer fundador ASDT-FRETILIN agora kaer fali katuas Xavier atu tau fali ba ida de’it, dala ruma keta ita mak tenke ba salva katuas Xavier mos, tamba nia mos halo parte patrimonia FRETILIN nian,” deklara eis Primeiru Ministru, Mari Alkatiri foin lalais ne’e iha dialogu ho kuadrus no militantes iha Cede Comite Central FRETILIN, Comoro, Dili.

Alkatiri haklaken liu tan katak,” Agora laos atu salva deit Xanana mais se Dr. Xavier Presiza FRETILIN sei salva katuas Xavier.

Iha okaziaun ne’e Alkatiri informa katak, iha 2012 Partidu CNRT sei la’o hamutuk ho FRETILIN, tantu wainhira CNRT ho FRETILIN hamutuk sei hasai nia (Xanana) husi tahu laran.

“Partidu ida ne’ebe mak hakarak hamutuk ho ita, kuandu ita la manan mutlak, atu lao hamutuk ho ita maka, CNRT ne’e duni, se Xanana hakarak sai duni husi tahu laran para ita hotu-hotu respeita fali nian, mak dalan ida deit ba nia (Xanana) hamutuk ho FRETILIN laiha dalan seluk,” akresenta Alkatiri.

Eis PM ne’e koalia katak, kuandu nia ho PM Xamutuk sei sai forte liu tan halao dezenvolvimentu iha nasaun ne’e.

“Agora ami nain rua, servisu hamutuk ne’e mak susar tebes, ne’e susar tebes, nia (Xanana) komandante, hau (Mari) jestor, ida ne’e mak hamutuk sa labele, komandante bele komanda, jestor hakarak jere entaun lahatene halo nusa mak ami nain rua bele servisu hamutuk, depois mak ita hare hamutuk deit,” dehan Alkatiri.

Komenta Alkatiri,” hau dehan CNRT rasik hakarak servisu hamutuk ho FRETILIN apalagi sira seluk,” dehan Mari.

Maibe, Vice Sekretario Geral CNRT nian, Duarte Nunes hatete katak, CNRT seidauk hanoin ka mehi atu koliga ho FRETILIN. “to agora Fretilin seidauk husu aplikasaun formalmente mai CNRT sobre sira nia hakarak ida ne’e”, tenik Duarte Nunes.

CNRT sei deside atu koliga ka lae iha fulan Janeiro 2011, tanba ne’e Mari Alkatiri labele fan-an deit nune. Tanba ne’e it abele konsidera Mari Alkatiri nia kampanha ne baratu, no hanesan ema frustradu. Teni Armindo Mendonsa, jovem CNRT ida hosi Ainaro.

.

PARTIDO NEBE MAK MERESE ATU UKUN ? AMP KA FRETILIN?

NAROMAN FOUN

Hau horseik liu husi merkado Bekora koalia ho tia ferik ida nebe fan hela modo iha merkado: hau husu ba nia: 'Tia, be tuir tia nia hanoin rai nee atu sai diak partido ka grupo nebe maka merese atu ukun? AMP ka FRETILIN?'

Depois tia nee dehan "nono, hein lai hau lulun tiha lai malus ho bua nee mak hau hataan nono nia pergunta".

Hafoin lulun tiha nia malus no mama dadaun to ibun mos komesa mean ona, kala bua malus mos halo tia nia kakutak fresh ituan ona, entaun tia hatan hanesan nee:

"Nono, hau ida fan modo no ferik ona nee, hakarak dehan deit ba imi klosan no bot sira kaer ukun nee, atu MEAN MAK SAE FALI KA, AZUL MAK SAE FALI KA, EH MODOK MAK SAE FALI HODI TUR KAER UKUN, hau la ulun moras, tia tidak mau pusing. Importante maka modo, aiferina, fehuk, no tomate ida agora fan dadaun iha nene, ami sei bele kuda nafatin iha ami nia tos no laiha ema ida bandu ami.

Dader tun husi Maubisi mai Dili angguna tenki lao diak nafatin, no laiha ema ida bandu ami. No tia hakarak mak nee lao kalan, lao loron laiha ema ida bandu ami no halo at ba ami..Nono komprende ka lae?Ami nia bisnis mak tenki lancar nafatin no seguransa tenki diak nafatin, se buat 2 nee mak iha.. imi hotu bele hamutuk kaer tiha timor nia ulun ka husar ka ain mos laiha buat ida..imi bele kor mean ka azul ka makerek ka verde ka metan ka mutin..nee tia la pusing, tenki garante mak buat 2 ohin hau dehan nee".

Hau rona ida nee, hau mos doko ulun deit dehan komprende.

Molok atu halot aifarina sira hau sosa husi tia nee, hau agradese tiha ba nia no dehan."Obrigado tia. " Tia mak los dunik, bibidiuk sira iha Parlamento, liu-liu SIRA POZISAUN FRETILIN nee tuir lolos mai fali tia nia fatin depois tia ho belun sira merkado Komoro nee mak ba tur fali iha sira nia kadeira".

Ferik mos hamnasa deit no dehan fali "nono, hakarak ituan bua ho malus ka? Nono se hakarak ulun malirin no hakesi kabun hodi bele komprende rai ida nee ninian diak no at, entaun halimar liu tiha ho malus ho bua nee".

Hau hataan fali ba ferik nee ho admirasaun katak hau agradese tebes nia laran luak. "Tia, ita sei mama malus nee, maibe hein loron seluk hau mai sosa tan aifarina maka ita mama hamutuk hodi selebra naroman no esperansa atu ita labele kesi kabun tan".

Depois hau dehan ba nia hare an didiak..CIAAOO DEITT! Tia nee hakilar tuir fali "SIAOOO NE SAIDA??" Ho lao lais hau hatan katak "nee dehan katak loron ida ita sei hasoru malu fali".