quarta-feira, 4 de maio de 2011

Bem...mais vale prevenir....

Bem...mais vale prevenir....
 
O mês de Julho/2011

 

....pelo sim pelo não....a vir que venha também para a minha Família e para os meus Amigos !
JULHO






SEM
DOM
SEG
TER
QUA
QUI
SEX
SAB
28





1
2
29
3
4
5
6
7
8
9
30
10
11
12
13
14
15
16
31
17
18
19
20
21
22
23
32
24
25
26
27
28
29
30
33
31














Este ano, o mês de Julho terá 5 Sexta-feiras, 5 Sábados e 5 Domingos.

Isto acontece uma vez a cada 823 anos. Estes anos são conhecidos como
'Money bag'.

Passe para 8 boas pessoas e o dinheiro aparece em 4 dias, baseado no
Fengshui chinês.

Quem parar não recebe, diz aqui...
Bom, não custa tentar...

Kongresu CNRT,fo nafatin fiar ba Kay Rala Xanana Gusmao nudar Prezidente no Dionisio Babo nudar Sekjen

Dili, Aileba Lian (AL). Kongresu ba dala ruak, Partidu CNRT (Congresso Nacional da Reconstrucao Nacional), hahu loron 29 fulan Abril to'o loron 02 fulan Maio tinan 2011, fo nafatin fiar ba Lideransa partidu ba tinan lima mai ne'e ba lideransa Kay Rala Xanana Gusmao nudar Prezidente no Dionisio Babo Soares nudar Sekjen. Iha lista rua maka apresenta iha kongresu, lista A e B, diferensas maka naran ba vices ba Prezidente no Sekjen. Votasaun final Lista A hetan votus 293, lista B hetan votus 505 no nulus 18.

Kongressu ne'e marka ho buat barak, liliu apontamentus tuir mai ne'e:

GFM la tuir Kongresu

La presensa husi Grupo Fretilin Mudancas (FM), GFM ne'e mos iha papel importante iha eleisaun ba lejislativa iha 2007 no Prezidencial iha tinan 2007. Tamba FM hakarak hatudu ba CNRT no Partidu Fretilin/Revolucionario katak sira laos ona tabele,neduni transforma ona ba Partidu FRETLIN-Mudancas.

Ramos Horta ba haknauk apoios husi CNRT

Presensa Prezidente Repblika iha Kongressu CNRT ba dala ruak, interpretasaun oi-oin katak Prezidente Ramos Horta ba husu tulun husi kongresistas CNRT no benzaun husi Xanana ba "re-kandidatura ba segundu mandatu Prezidente Republika". Tamba Prezidente Ramos Horta, hein hela apoio husi CNRT no Benzaun husi Xanana hodi avansa ba segundo mandatu!

Kandidatura Mari Alkatiri, koalia lia fuan mamar husi Bispo Nascimento no Prezidente Ramos Horta

Dili, Aileba Lian (AL). Kandidatura Mari Alkatiri ba ema numeru Um (TL1) iha 2012 kontinua alimenta lia fuan mamar husi nai ulun ka embot sira, liliu hafoin liu semana rua deklarasaun husi Amo Bispo Nascimento ba Jornal Nacional Diario, oras ne'e mosu mai ho deklarasaun husi Prezidente Republika Jose Ramos Horta katak "nia (Horta) apoio Alkatiri ba PR (JND, 03/05/2012)".

Argumentu ne'ebe maka Bispo Basilio Nascimento foti, ne'ebe sei haksesuk malu tamba Bispo Basilio dehan fali "Mari Alkatiri maka lideres konsensual". Ummmm, konsensual ne'e lia fuan diak, maibe liga ba personajen ne'e maka problema AMU... karik amu sira koalia ami sarani sira karik A...M...E...N deit ka?

Prezidente Ramos Horta mos mai ho lia fuan mamar, tamba saida maka dehan mamar tamba lia fuan mamuk deit, afinal nia mos hakarak hela fatin ne'e sa, finji hakarak apoio fali Alkatiri, soe bola ba mai deit sa. Ummmm, Prezidente Ramos Horta dehan iha semana kotuk, nia sei kandidatu maibe uluk nanain tenki konsulta Bispos (hierarquia Igreja Catolica) no Maun Xanana".

Se Horta koalia fali dehan apoio ba Alkatiri, lia fuan mamar deit maun, maun muda lia fuan ba mai mos ami Aileba no Maubere oan sira tuir hela deit sa, maun sira atu lori nanal bobar to'o ba ne'ebe los? Maun maka hakarak los ba Prezidente Republika, maun dere karik dala hira ona ba lideres sira seluk atu kandidatu. Dala ruma maun la hetan ona apoio husi parte Igreja Katolica ninia hierarquia no mos Maun Bot Xanana Gusmao.

Ramos Horta ninia halimar diplomacia ne'e, karik ema iha liur maka monu karik ba jogada politika profisional, maibe Aileba Lian sei lori Aileba sira hotu nia lian hodi akompana, vijilancia ba maun sira ninia manobra politika lia husi lia fuan mamar, muda nanal tun sae!

Konflitu Artemarsiais Iha Ainaro, Lasama: Husu PNTL La Bele Tolera

18 Abril 2011 - 16:35:01 OTL

Posting Husi : Josefa Parada


DILI- Presidente Parlamentu Nasional, Fernando “ Lasama” de Araujo hateten katak konflitu artemarsiais nebe estraga uma 33 iha Kasa-Ainaro ne’e seriu, Lasama husu ba autores justisa ninian Polisia Nasional Timor Leste (PNTL), Ministeriu Justisa no Ministeriu Publiku  hodi prosesa buat ne’e iha Tribunal.
“Mais laiha buat ida hau hateten ona ba PNTL sira no hau sei duni tuir nafatin Komandante Jeral atu tau matan seriu ba buat hirak ne’e no la bele tolera tanba akontesementu ne’e dala 2 ona, uluk iha 2004 sunu 54 uma iha Ainaro duni agora sei nafatin baku uma 33 iha Kasa Ainaro hau ba hare rasik no triste teb-tebes,” dehan Lasama.

Nune’e Deputadu David Dias Ximenes husu ba entidade hotu tenki halo refleksaun hodi intropekstiva konaba artemarsiais ne’e. Katak David artmarsiais ne’e ema aproveita hodi halo buat ruma hanesan luta ba independensia, ohin loron katak David buat ne’e laiha ona laiha nesisiedade ida.
“ Hau la hatene ita bo’ot sira nia persesaun halo nusa maibe hau nia presesaun maka ne’e katak kestaun ida ita hot-hotu tenki responde no mos hare fila fali dekretu desportu konaba artemarsiais ninian,” hateten David.
Liafuan hanesan reforsa husi deputadu Rui Menezes hateten katak tuir nia hanoin relavansa artemarsiais. Artemarsiais ne’e atu kontinua artemarsiais laos atu kriminiais ne’e duni katak Rui atu desenvolve artemarsiais ka kriminais.

“Estadu lolos la bele tolera li-liu PNTL sira. Artemarsiais estadu oinsa halo politika para rezolve oinsa artemarsiais ne’e moris iha ita nia rain. Depois iha parte seluk iha lei nebe koalia konaba artemarsiais sira bele hatan multa ka selu depois pena atu la bele halo treinu tinan 1 no ikus liu maka atu taka tanba lei iha,” dehan Rui.

Entretantu, tuir deputadu Manuel Tilman husi Bankada KOTA dehan katak saida maka ita responsabel iha tribunal iha buat hot-hotu mais ita mos iha responsabilidade atu oinsa buka dalan ba joven barak nebe rihun ba rihun nebe dala barak la tama universidade, eskola iha sekundaria la tama  iha servisu. Jaime do Rosario

STL: 2012 CNRT Kaer Nafatin, Dezempregu TL Sei Menus

Posting Husi : Josefa Parada

DILI- Partido Politico CRNT, iha elisaun 2012 mak sei mana atu ukun nafatin bele hamenus dezempregu iha timor leste tanba partido hakarak hasai ema mukit.  Dehan xefe Governu Kay Rala Xanana Gusmao liu husi nia diskursu ba STL iha Merkadu municipal Dili. Sigunda, (02/05).Nia esplika liu katak,sekundo partido CNRT mak mana iha tinan 2012 ne’e husu memebru governu hotu bele servisu diak bele fasilita povu nia moris hodi dezemvolve ekonomi TL lao ba oin, atu bele hamenus ema kiak iha TL.

Tuir nia katak, Partido CNRT hakarak liberta ema kiak iha Nasaun timor leste bele dezem volve rai lao diak hodi fo rede mentu servisu ba povu timor leste bele hetan osan hodi fasilita nesicidade moris lor-loron. 
Ne’eduni iha kongresu nasional ba   d ala II ne’e atu prepara an ba elisaun hodi man abele dezemvolve  ita Nasaun diak hodi fo  benefisiu ba povu aileba hodi hetan  osan, bele hasae husi mukit.

Nia haktuir katak, wainhira partido CNRT mana iha elisaun 2012 ‘’Hau husu institusaun Governu   iha bele servisu ho laran hodi dezemvolve ekonomi iha rai laran lao diak, atu bele fo benefisiu ba povu agrikultura iha bazia ne’eduni hau lian meno wainhira partido CNRT mak mana iha elisaun mai Membru Governu tenki servisu maka’as bele hadia Nasaun TL diak.’’ Xefe estado Xanana  

Iha parte seluk  estudante fi nalista UNTL  Francicso Mas carinhas  salenta katak, partido cnrt mak mana iha elisaun 2012 hau fiar garante dezemvolvemtu ekonomi bele lao ba oin hodi fo benefisiu ba povu agrikurtura tanba partidu funsaun liberta povu husi mukit tanba ne’e hau fiar ilisaun partidu mana  hodi dezemvolve  Nasaun diak fo van tajen povu hodi hetan servisu.

Alende Antonio Soares Nudar Militante Partido CNRT husi Distrito Viqueque  salenta partido CNRT sei mana iha elisaun 2012 tanba partido hakarak hasae ema kiak bele liberta moris ne’eduni hau sente iha 2012 CNRT kaer nafatin.

 Lia fuan Marcus da silva hanesan Militante reforsan katak, Partido CNRT sei mana nafatin tanba partido hakarak liberta ema kiak porzemplo ita hare iha tinan hat nia laran partidu CNRT fo benefisiu ba ema kiak hanesan ferik katuas laiha kbiit bele servisu sira hetan osan terseiru idade bele fasilita sira moris  ne’eduni hau fiar katak, elisaun 2012 CNRT mana mutlak.

Entertantu Juliana  soares nudar komunidade sublina ka tak, maske partidu CNRT mana iha elisaun ne’e bele ajuda povu  kiak TL dezemvolve ekonmia ti mor leste lao diak ne’eduni   hau ha noin   Partidu CNRT sei mana iha  elisaun ne’e tanba partido haka rak  liberta povu husi mukit. jef

Lideransa CNRT La Troka, Xanana Ho Babo Re-eleitu

Posting Husi : Josefa Parada

DILI – Kongresu Partidu Con selhu Nasional Rezistensia Timo rense (CNRT) ba dalarua, re-eleitu Kay Rala Xanana Gusmão nudar Prezidente Partidu no Deonisio Ba bo hanesan Sekretariu Jeral CNRT nian, iha periodu 2011-2015.
Depois de votasaun, Sekre ta riu Jeral CNRT, Deonisio Babo, ha teten, servisu partidu CNRT nian, hetan susesu tamba hot-ho tu nia servisu, tantu husi nasional, distritu, no sub-distritu, hotu-ho tu fo hanoin no fo vontade. Tuir Deonisio, fiar nebee fo ba nia, ha nesan grasa Maromak nian no
mos matebian nia tulun.
“Hau kontenti teb-tebes,  mais hau hakarak dehan katak servisu nee laos hau mesak mak halo, maibe  nee servisu hamutuk ho diresaun tomak. Ami hamutuk tinan 4 nia laran, maka CNRT sai partidu ida nebee forte ho Maun Bo’ot Xanana, figura rezistensia no nasional ho figura sira seluk maka lori rai nee ba oin nafatin,” dehan Deonisio ba STL iha Dili Convention Center, Eis Merkadu Lama, Kaikoli-Dili, Segunda (2/5),
Konaba programa CNRT nian ba oin, Deonisio hateten, atu fortifika tan estrutura partidu nian, liu husi konsolidasaun, atu servisu makaas liu tan ba partidu, nunee bele sai forte. Partidu nee mos sei halo programa nebee maka diak liu, atu servisu too kraik, hamutuk ho estrutura tomak atu alkansa objetivu manan eleisaun iha 2012. Karik hetan fiar husi povu, para manan maioria hodi kaer ukun mesak,  partidu nee sei dezenvolve ralasaun diak ho partidu seluk iha Timor tomak no kria dialogu harmonia entre CNRT ho partidu hot-hotu iha AMP no Partidu Fretilin.
 “Hau respeitu teb-tebes partidu Fretilin hanesan partidu istoriku nebee lider boot hanesan Maun Lu-Olo, Mari Alkatiri ho Maun Rogerio Lobato  no sel-seluk tan. Karik iha ligasaun diak ho sira atu bele tau hanoin hamutuk halonusa maka hadia rai nee, no mos servisu hamutuk ho pilar importante sira iha Timor no Igreja Katolika, no relijozu sira seluk, sosiedade sivil, para bele iha uniformadadi termus orientasaun atu dezenvolve rai nee, inklui mos liberta povu nee husi kiak,” dehan Deonisio.
Entretantu tuir Delegadus husi Distritu Suai, Manuel Sarmento informa katak tuir sira nia haree, partidu CNRT sei lori nasaun nee ba oin tamba ema hotu koinese partidu CNRT nee boot. “Ami hotu konsidera tamba lider nee ema koinesidu hanesan Maun Boot Xanana. Needuni, hot-hotu hakarak mai luta ba CNRT no liberta povu husi mukit no kiak,” tenik Manuel.
Liafuan hanesan mos reforsa husi Koordenador Distritu Lautem, Sub-Distritu Tutuala, Bartolomeo Dias, katak, membru sira nebee re-eleitu nee iha esperensia no mos fundador partidu CNRT desde iha 2007. “Ami haree sira nia servisu nee diak no iha vantajen ho posibilidade atu bele habelar liu tan politika nee ba future. Needuni, ami hili sira nee para kontinua iha tinan 5 nia laran,” dehan Bartolomeo.
Nunee mos Koordenador husi Distritu Viqueque, Egas Carvalho, esklarese katak, lider sira nebee re-eleitu nee iha ona esperensia tinan 4 nia laran, sira hatene ona diak ka aat. Tamba nee iha esperansa katak 2012, figura nebee tuur iha CNRT, bele hetan fiar husi baze. “Iha eleisaun 2012 nee, hau bele dehan ho esperansa katak, bele manan maioria  iha liman laran maibe nee simples, hein deit esforsu depois kongresu nee fila ba baze, atu servisu makaas hodi manan eleisaun nee, “ tenik Egas.
Tuir observasaun STL iha terenu, haree katak, antes nee delegadus sira aprezenta lista kandidatu iha Pakote A no Pakote B.  Pakote A kompostu husi Prezidente CNRT, Kay Rala Xanana Gusmao, Vice Presidente I Mau-Hunu, Vice Presidente II Virgilio Smith, Vice Presidente III Francisco Kalbuadi, Vice Presidente IV Bilou-Mali, Vice Presidente V Arao Noe, Sekretariu Jeral Deonisio Babo, Vice Sekjer I Jose da Silva (Fo Laran), Vice Sekjer II Jasinto Rigoberto, Vice Sekjer III maka Duarte Nunes. Entretantu no iha pakote B kompostu husi Prezidente Partidu CNRT, Kay Rala Xanana Gusmao, Vice Presidente I Virgilio Smith, Vice Presidente II Bilou- Mali, Vice Presidente III Eduardu Dusae, Vice Presidente IV Januario Pereira, Sekretariu Jeral Deonisio Babo, Vice Sekjer I Jose da Silva (Fo-Laran), Vice Sekjer II Duarte Nunes no Vice Sekjer III Jasinto Rogorberto. Ikus mai, pakote B maka manan hodi avansa ba oin.

CNRT La Troka Xanana
Antes nee, Sekretariu Jeral Partidu CNRT, Deonisio Babo, garante, maske liu husi kongresu daruak nee atu determina lideransa partidu nian, maibe CNRT rasik seidauk bele iha hanoin atú troka ninia prezidente (Xanana Gusmão, red) nebee sai figura partidu nian. “Kargu prezidente ba partidu nian sei la troka tamba seidauk too tempo atú hili prezidente ba partidu nian, wainhira figura Xanana sei prontu hela,” dehan Deonisio.
Deonisio hanoin, figura Xanana nee importante. Needuni, militante, simpatizan tes, no delegadus husi teritoriu tomak sei hili nafatin nia, basa nia figura laos ba partidu deit, maibe ba mós povú iha rai doben ida nee.
“Ami sei nafatin hili nia tamba nia importante laos ba partidu deit maibe ba mós povú iha nasaun ne’e,” katak nia.
Iha fatin seluk, Octavio de Jesus (Delegadu husi Lautem), hateten katak, dadauk ne’e Xanana sai hanesan figura ba ema hotu, tamba nee nia sei iha oportunidade ba Partidu liu-liu ba Povú no ba rai ida nee.
Antonino da Costa, Simplicio Maria, Eligito Santos de Fatima, (Juventude Partidu CNRT), iha sira nia komentariu, hateten,  figura Prezidente Partidu CNRT nee seidauk tempu atú troka nian, tamba nia sei iha oportunidade no iha kapasidade atú jere Partidu nee, no iha interese tomak ba Povú no Rai ida nee.  

Kandidatu Ba Sekjer
Molok halo votasaun ba lideransa Partidu CNRT nian, iha Domingo liu ba, mosu naran rua nebee potensial atu tuur iha kadeira Sekretariu Jeral, mak hanesan, Deonisio Babo ho Bendito Freitas.
Naran rua nebee tama iha forum intelektual maka hanesan Bendito Freitas agora dadauk kaer pasta hanesan Sekretariu Estadu Profesional no Empregu, seluk tuir mai Sekretariu Estadu Konsellhu Ministru, Agio Pereira, no mos Sekretariu Estadu Dezastre Naturais, Jacinto Rigoberto.
Bainhira husu komentariu Agio Pereira nian kona ba nia atu kandidata an ba iha Sekjen Partidu CNRT, nia hateten katak, nia rejigna aan ona husi nia kandidatura.
“Hau hakarak atu kandidata an ba iha Sekjer, maibe ikus mai hau rejigna an, tanba hau seidauk prontu atu sai Sekjer, haree ba iha servisu nebee barak tebes iha governu nian,” hatete Agio iha Eis  Mercado Lama, Dili, Domingo (1/4).
Entretantu Jacinto Rigoberto, hateten, nia prontu bainhira delegadu sira fo fiar atu tuur iha kadeira Sekjer.   
“Hau seidauk iha planu atu sai SEK Partidu CNRT. Maibe, see iha kongresu fo fiar ba hau, hau prontu atu halao servisu ida nee ho responsabilidade,” hatete Jacinto.
Tuir mai,  Bendito Freitas nebee atu kompete ho Sekjer Deonisio Babo hatete mos katak ida nee depende ba kongresu.
“Responsabilidade mai husi kongresu, bainhira fo fiar ba hau, hau prontu atu servisu hamutuk hodi luta ba dezenvolvementu ba nasaun, liu husi konsolidasaun husi ami nia partidu nian,” informa Bendito.
Iha oportunidade ida nee, Dionisio Babo iha nia komentariu kona ba  atu kandidata an fila fali ba iha kadeira Sekjer CNRT ba dala rua, hatete katak, nia prontu atu akompaina fila fali Prezidente CNRT nebee lidera husi Kay Rala Xanana Gusmão.
“Hau prontu tuur nudar pozisaun sekjer ba Partidu CNRT,” Dionisio nia komentariu badak. Bainhira nia hetan fiar husi kongresu ida ne’e atu tuur fila fali ba iha kadeira Sekjer Partidu CNRT, Dionisio promote katak nia sei servisu makaas liu tan ba iha dezenvolvementu atu harii nasaun Timor-Leste inklui hadia povu nia moris.
“Bainhira hau hili fila fali maka ba iha eleisaun , 2012, hau nia planu atu kuntinua esforsu hodi halo dezenvolvementu ida nebee agora halao dadaun husi governu, PM Xanana Gusmão, inklui mos atu hare povu kiik sira nia moris no kiak,” hatete Deonisio.