Partidu CNRT halo konsolidasaun iha Suku Uaigae hodi hein Vitória iha 2012

Monday, 03 October 2011 16:59  

Tuesday, 04 October 2011 12:21

 

Written by Pedro Delfim

Dili-Partidu Kongresu Nasional Rekontrusaun Timor Leste (CNRT) hala’o konsolidasaun iha Suku Uaigae hodi konsolida Militante sira hodi hein Vitória iha 2012.

Iha konsolidasaun ne’e Sekretáriu Jeral Partidu CNRT, Dionísio Soares Babo hateten katak CNRT hamrik tamba haree ba Nasaun ne’ebé foin mak hetan nian independénsia maibe iha 2006 Nasaun ne’e monu fali ba rai kuak,  ne’e duni Maun Bo’ot Xanana ho Veteranu sira tomak hodi fanun fali CNRT hamrik hodi salva fali Nasaun no Povu.

“Partidu CNRT hamrik tamba Nasaun foin mak sai husi funu nian laran hodi hetan ukun an maibe iha 2006 akontese tan krize bo’ot ida hodi halo povu la fiar ona instituisaun governu nian ne’e duni Maun bo’ot Xanana ho Veteranu sira hamutuk hodi fanun fali CNRT atu hamrik fali hodi salva rai no povu ida ne’e ba dala rua tan”dehan Sekretáriu Jeral Partidu CNRT, Dionísio Babo iha Suku Uaigae,Sub-Distritu Vemasse,Distritu Baucau,  Sábadu (01/10) Iha parte seluk,  hanesan Koordenador Partidu CNRT Sub-Distritu Vemasse, Alberto Soares hateten katak Partidu CNRT tama iha Suku Uaigae tamba haree ba Figura Maun Bo’ot Xanana nian ne’eduni ohin loron Partidu CNRT hodi hamrik iha Suku Uaigae.

“Partidu CNRT hamrik iha Suku Uaigae tamba haree ba figura Maun bo’ot Xanana  nian ne’e duni ohin loron Partidu CNRT hodi hamrik iha Suku ida ne’e hodi hatudu ba Militante katak CNRT hamrik ona iha Suku ida ne’e”dehan Alberto iha Konsolidasaun ne’e.

Iha fatin seluk,  hanesan Xefe Suku Uaigae, Marcos Pereira hateten katak nia fo parabéns ba koordenador Vemasse ne’ebé lori Partidu CNRT tama iha Suku Uaigae ne’e hatudu katak iha Suku Uaigae iha duni demokrásia hodi simu partidu Polítiku hotu-hotu atu bele mai fahe programa partidu nian ba Militante iha Suku ida ne’e.