By Mario Ximenes
TDF – Dili: Partidu FRETILIN-ALKATIRI, desde 2007, tara bandeira nebe sagradu tebes arbiru deit hanesan NAN-TEN no l afo valorizasaun liu ba síbolo rezistensia ne. Lia fuan sira ne hato hosi João da Silva, membru komunidade Lautem nebe dadalia ho jornalista TDF.
Akuntesementu sunu bandeira Fretilin iha area Mota Ulun, Becora-Dili iha loron Domingo, 19 Junu 2011 (Le’e Timor Post 21-22 June 2011) hatudo momos mai ita katak, ema barak nervus ho aktu Fretilin-Alkatiri nebe la konsidera bandeira nebe iha valor historiku tebes ba Timor Leste depois Ukun Rasik an.
Ema Timor oan barak triste tanba Fretilin-Alkatiri (laos FRETILIN MOVIMENTO) nia hahalok hatuun no la fo valorizasaun ba bandeira refere. Ho prekupasaun maka’as João da Silva hateten katak akuntesementu refere iha tendensia atu estraga estabilidade rai laran, tanba Fretilin-Alkatiri rasik mak provoka ema hodi atu halo aat ba bandeira ne.
Tanba falta de respeito ne, mossu vandalism, no ikus mai Mari Alkatiri fo fali salah ba CNRT. Tuir Maria Lucia hosi Viqueque, “asaun ne’e hanesan fali atu soran Partidu historiku Fretilin no Partidu CNRT nebe lidera husi Lideransa historiku Xanana Gusmao” nebe hakarak soran Partidu maioria rua ne’e hodi estraga establilidade nacional”. Maske nune Jose apresia tebes maturidade politika Partidu CNRT nian hodi la monu iha tentasaun refere.
Fretilin-Alkatiri tuir lolos hallo reflesaun atu dada fali bandeira no symbol rezistensia nebe, ema barak mate no ran fakar suli hodi defende, hodi ba tau iha uma lulik, no laos dada tun sae haensan nan-ten, rebo-rebo ba mai iha Timor laran.
Maria Lucia mos hateten katak tempu dadaun ne’e Timor Leste prepara an atu halao festa demokrasia hodi ezerse direitu demokratika iha elisaun hodi hili Presidenti da Republika no Parlamentu Nacional ba terseira lejislatura iha tinan 2012. Tuir Lucia eventu ida ne’e importante tebes ba Timor Leste maibe mos kritiku no vulnerabel tebes ba konflitu. Ema balun nebe la hakarak Timor Leste sai hanesan nasaun bele kontinua buka atu estraga estabilidade nasaun nurak ne’e. Tanba ne, tuir lolos komite sentral Fretilin-Alkatiri tenki dada sai tiha buat sagradu ne hosi rai laran.
De faktu, bandeira ne to agora bara ma dada iha ai-leten iha Timor laran, no dodok, ba mai los no laiha ema mak interesse.
Tuir Antonio Ximenes hosi Suai, elisaun 2012 sei sai hanesan barometer ida atu koko kbiit no matenek Timoroan iha kontekstu konstrusaun Estado no Unidade Nacional. Komunidade Internacional no ONU sei tau matan maka’as ba ita nia prosesu elisaun 2012 hodi foti desizaun atu dada misaun UNMIT husi Timor Leste ka lae.
Tan ne’e Antonio husu ba Lideransa, militantes, apoiantes Partido Politika no povu tomak atu neon nai’n matan moris hodi tau matan ba estabilidade no partisipa iha festa demokrasia ho dame. Nia mos husu atuCNRT labele monu ba manipulasaun politik Alkatiri nian, no konsentra ba dejenvolvimento Nasional.
Tempu liu ba, bainhira Presidente Habibie fo sai opsaun atu hala'o REFERENDUM ba kazu TIMOR LESTE nian, TNI, POLRI, MILISIA no OTONOMISTA sira hasa'e BANDEIRA MERAH PUTIH kuase nakonu iha RAI DOBEN TIMOR. Ema nia ulun no liman kesi hotu BANDEIRA MERAH PUTIH, kilat rakitan, pistola, katana no rama futu ho BANDEIRA MERAH PUTIH. To'o ikus BANDEIRA MERAH PUTIH nakles arbiru, no liu husi resultadu REFERENDUM, BANDEIRA MERAH PUTIH sai husi RAI DOBEN TIMOR. Agora FRETILIN halo tuir fali hahalok TNI, POLRI, MILISIA no OTONOMISTA sira, dada BANDEIRA FRETILIN nian nakonu iha rai-rai, iha ai tutun, iha ponte leten, iha dalan klo'ot, iha kruzamentu, iha rotunda, iha ne'ebe deit, BANDEIRA FRETILIN ne'ebe lulik barak mak nakles ona, barak mak dodok ona, barak mak nia koor la iha ona. Karik ida ne'e SIGNAL katak FRETILIN mos rahun ba rahun ona tanba hahalok maun boot ALKATIRI nian, no sei LAKON TOTAL iha elesaun 2012.
ResponderEliminarTimor oan bele kumpriende, tanba maun boot ALKATIRI ho grupo RADIKAL MAPUTO tempu liu ba la hela iha RAI DOBEN TIMOR, entaun sira LA HARE HO MATAN buat ne'ebe akontese durante 1998-1999 atu tama ba REFERENDUM, katak maske BANDEIRA MERAH PUTIH nakonu iha rai Doben Timor, mas la konsege manan povu Timor nia fuan ho laran. Hansean mos maun boot ALKATIRI ho grupo RADIKAL MAPUTO atu tebe no tuba rai to'o ko'ak hotu mas sei la konsege manan povu Timor nian fiar. Povu HARE HO MATAN katak BANDEIRA lulik FRETILIN nian ne'ebe uluk tempo Indonesia subar metin iha karteira laran, agora maun boot ALKATIRI autoriza para estraga iha dalan-dalan, iha ai tutun, iha ponte leten, iha kruzamentu, iha rotunda,... Povu Timor tanis matan been maran tanba deit BANDEIRA Lulik ne'e agora halo sai rahu-rahun, sai nakles no la iha respeita ba simbolu nasaun ne'e.
ResponderEliminar