terça-feira, 12 de abril de 2011

Forsa Defeza Australia Sei Hela iha TL To’o Tinan 2020

|

Dili - Forsa Australia kontinua mantein prezensa forsa iha Timor Leste to’o tinan 2020, statementu ne’e fó sai husi Australian Strategic Policy Institute (ASPI) hala’o iha palasiu Prezidente Nicolau Lobato sesta ne’e (08/04).

To’o oras ne’e, Australia sei iha soldadu 400 iha Timor Leste nomos governu federasaun Australia mos iha esperanca atu dada hikas fali forsa Australianu hafoin eleisaun jeral 2012. Maibe, ASPI hato’o informasaun ne’e fó hanoin katak sei akontese tan problema ki’ik ruma wainhira forsa Australianu sira fila husi TL, no intervensaun Australia sei kontinua fó ba Timor Leste.

“prosesu atu dada hikas forsa defeza Ausralia mos sei iha risku bo’ot ba loron ikus mai,” tuir informasaun husi ASPI iha english.peopledaily.com.cn. “Timor Leste oras ne’e estabilidade relativamente la’o diak, maibe sei kontinua hanesan ne’e ka lae.” informasaun balun tan katak Falintil-Forsa Defeza Timor Leste (F-FDTL) mos sei kontinua atu fó asistensia tekniku ba sira(F-FTDL-red).

Forsa Defeza Australia presija hela iha TL to’o tinan 2020 atu fó nafatin treinamentu ba F-FDTL hodi sai hanesan forsa dame ONU nian.(TE)

Sem comentários:

Enviar um comentário