terça-feira, 1 de março de 2011

Rejistu Ba Militantes,“CNRT 125 Mil Ona No FRETILIN 80 MIl”

Jornal Nacional Diário - Sesta, 25 Febereiru 2011

Dili-“Rezultadu Preliminariu husi preparasaun partidus politikus ba elisaun jeral 2012, Partidu CNRT oras ne’e ninia militante rejistu ona 125 mil no partidu FRETILIN 80 mil.
Sekretariu Jeral Partidu CNRT, Deonisio Babo afirma ba Jornalista Diario, Kinta (24/2) katak, to’o agora ema ne’ebe rejistu formal ona hanesan militante CNRT hamutuk 125 mil, numeru ne’e sei bele aumenta tan, tanba prosesu rejistu sei lao namanas hela.

“Programa bot rua mak ami halo, formaliza estrutura iha teritoriu tomak estabelese ona, i preparasaun sira ne’e iha ona 95%,”katak Deonisio Babo.

Nia hatutan, normalmente kuandu halo levantamentus dadus ba militantes sira atu buka hatene lolos numeru militantes ne’ebe mak hakarak sai duni militantes CNRT nian.

“Militantes sira ne’e ba CNRT nia posiblidade atu compete iha elisaun jeral 2012 no elisaun Municipiu, maibe ami nia target liliu maka ba iha elisaun jeral 2012, i CNRT hakarak manan maioria no hetan konfiansa makas husi povu sira, atu dudu nafatin maun bot Xanana ba Governu hatu hadia povu nia moris,”katak Deonisio Babo.

NUNE’E MOS SEKRETARIU JERAL, Partidu FRETILIN, Marí Alkatiri hateten, sira nia militante rejistu ona 80 mil no seidauk rejistu hotu, tanba oras ne’e dadaun rejistu sei kontinua.

Marí Alkatiri koalia ida ne’e iha malam dana FRETILIN, Sesta (11/2) foin lalais ne’e iha Hotel Arbiru, Pantai Kelapa, Dili, Marí Alkatiri koalia iha malam danaFRETILIN ne’e katak, iha baze de dadus komputador iha ona militantes eskrita 80 mil.

“To ohin loron (Sesta 11/2) hau hakarak informa katak iha baze dadus komputador, iha ona militante skrita 80 mil, maibe ami fiar to’o elisaun sei barak liu, tanba 70 mil iha liur seidauk rejistu, iha 150 mil militantes mak sei vota ba Presidente no Sekretariu Jeral Partidu FRETILIN, iha kongresu mai,”hateten Marí Alkatir.das

Sem comentários:

Enviar um comentário