segunda-feira, 6 de dezembro de 2010

MILITANTES PARTIDO TOLU HAKSOIT BA CNRT

.
Timor Post - Segunda 06 Dezembru 2010

Hatulia-Militante husi Partidu Unidadi Nasional (PUN) , Partidu Demokratiku (PD), no Fretilin Mudansa (FM) Sabadu deklara afilia ba Partidu CNRT (Congressu Nasional Rekonstrusaun de Timor).
Simpatijante Partido tolu semana ne’e deklara an hodi afilia ba partidu CNRT iha Suku Samara Sub Distritu Hatulia, Distritu Ermera, partisipa iha atividade ne’e Suku 4 hanesan suku Ailelo, Samara, Hatulia no Leimea kraik husi Suku 13 iha sub distritu Hatulia Distritu Ermera.

Observasaun Timor Post iha fatin refere,kordenador Partidu PD iha Suku Samara Jaime de Jesusu hamutuk ho nia militantes no simpatizantes partido PD hato’o nia deklarasaun hodi afilia ba partidu CNRT.

“Hau em nome militantes no simpazitantes partidu PD do Partidu PD deklara ami nia a’an hodi mai hamutuk ho partidu CNRT mak sei dezenvolve rai ida ne’e. ne’ebe lidera rasik husi maun boot Kay rala Xanana gusmao, importante liu mai ami katak hamutuk ho maun boot Xanana Gusmao hodi liberta tan povu doben ida ne’e,”deklara Jaime iha suku Samara, Sub Distritu Hatulia, distritu Ermera sabadu semana ne’e.

NUNE’E IHA BIBAN HANESAN koordenador Partidu PUN Abilio da silva alias “Ulun tos” husi suku Ailelo ho nia membru hamutuk nain 84 mos deklara an hodi afilia ba CNRT, tanba tuir nia katak, CNRT maka bele liberta povu husi kiak no mukit. Ho laran tomak ami pronto para fo apoiu partidu CNRT iha Suku Ailelo,katak tan.

Miguel Lemos xefe Aldeia Santa Cruz, nebe husi FRETILIN Mudansa hamutuk nia simpajitante 400 resin mos hakarak afilia ba CNRT.

Tanba tuir Miguel, hare husi realidade ohin loron CNRT maka halao duni dezenvolvimentu hodi hasai povu husi kiak no mukit.

Entertantu reprejetante partidu CNRT iha aktividade konsolidasaun hodi simu militante no apoiantes mak hanesan Sekretariu Estadu Firmasaun Profesional e Empregu actual presidente klibur profisional partidu CNRT Benditu Freitas, Sekretariu Estadu Asistensia social e dezastra Naturais Jacinto Regoberto, reprejetante povu iha PN Cecelio Camino Freitas, Reprejetante OJP nasional, koordenador Partidu husi distritu Ermera no populasaun.

Benditu Freitas afirma, iha nia intervensaun hato’o “Welcome” ba membru apoiantes no simpazitante husi partidu 3 refere atu hamutuk ho Partidu CNRT hodi dezenvolve povu no rai ida ne’e husi mukit no kiak, “mai ita hamutuk tane a’as maun boot Xanana atu nafatin ukun iha 2012 mai,”dehan nia.

“Ami sente kontente tanba aktividade konsolidasaun ida ne’e marka mos momentu especial ba partidu CNRT tanba militantes no simpatizantes partidu PUN, PD no Fretilin Mudansa hakarak afilia mai partidu CNRT,”nia apresia.

Nia mos hato’o vizaun no misaun Partidu CNRT inklui servisu ne’ebe governu AMP halao ona liliu iha nia dirasaun SEFOPE ninian, saida mak atinji ona no saida maka presija atu hadia tan bainhira CNRT ukun mesak iha 2012.

CNRT mosu atu liberta povu tanba liberta nasaun ita liberta tiha ona tanba ne’e ho apoiu militantes no simpatizantes povu Hatulia tomak ita sei determina no deside CNRT atu bele manan iha elisaun 2012 hodi liberta povu husi mukit no kiak iha futuru.

“Objetivu husi konsilidasaun ida ne’e mos atu hato’o planu programa partidu CNRT nian,”katak nia.

“Ohin hau apresia bainhira rona aprezentasaun estrutura partidu CNRT iha distritu Ermera ninian hau senti tinan 2012 CNRT sei manan iha distritu Ermera.

Nia aprezenta mos tanba saida mak kria KP-CNRT ho objetivu hatu halibur ema professional husi devizaun tomak hodi prepara rekursu umanu no palnu programa hodi implementa bainhira manan iha elisaun jeral.

Entertantu reprejetante povu iha Parlamentu Nasional Deputadi Cecilio Caminha Freitas iha nia intervensaun ba konsolidasaun ne’e nia husu militantes no simpatizantes partido CNRT iha distritu neba atu defende nafatin ukun governu AMP to’o 2012 maske AMP mai husi Partido politika barak ne’ebe ho ideologia politika la hanesan. Nia hapela mos atu halao dezenvolvimentu iha nasaun ida ne’e ho diak povu tomak tenki kria pas, unidade respeita malu, hodi kria komunikasaun diak entre partidu CNRT ho partidu sira seluk hodi nunee CNRT bele manan iha elisaun 2012 hodi ukun mesak.

Nune’e mos sekretariu Estadu asistensia social i dezastra naturais Jacinto Rigoberto informa objetiso husi konsolidasaun ne’e mos atu reativa hikas strutura partidu CNRT ne’ebe konsege harii ona husi Aldeia to’o distritu hodi hare saida maka sira halo ona no presiza atu halo iha futuru.

“Ho afilia partido hirak ne’e, “ita tenki servi makas liu tan hatu manan iha elisaun 2012 hodi labele sai tan AMP hanesan agora, ulun moras tanba ukun ho partidu barak nia planu”,”katak nia.

Entertantu iha okajiaun ne’e, Jacinto mos esplika servisu governu AMP ninian liliu iha dirasaun social.

Aktividade konsolidasaun, ne’e mos loke ho sesaun dialogu hodi hato’o perguntas no responde konaba problema social ne’ebe mak populasaun sira infrenta iha sira nia moris hanesan Estrada, be’e mos, sibsidiu ba idozus no invalidus, problema veteranus, fos governu inklui problema sira seluk tan.(agapito dos santos)