segunda-feira, 20 de dezembro de 2010

PM Xanana Gusmão: “Ministros ho Direktores Labele Hafuhu Malu, Tamba Projektu”

Jornal Nacional Diário - Segunda 20 Dezembru 2010

Dili-“Primeiru Ministru Kay Rala Xanana Gusmão hateten Ministros ho direktores labele deskonfia ho hafuhu malu tamba projektu iha instituisaun ida nia laran, tamba sei la fo vantazen diak ba iha prosesu servisu.

Lia fuan ne’e hato’o husi PM Xanana Gusmão iha diskursu iha reuniaun III Direktores hotu, administradores distritais hotu, membrus governu ne’ebe halao Sexta liu ba iha Eis Merkado Lama, Dili.

Deklarasaun PM Xanana ne’e hato’o hodi responde ba preokupasaun direktores jerais balun nebe hato’o katak iha iha Ministeriu bot sira nebe osan barak dala barak Ministrus ho direktores sira deskonfia malu ho at liu hafuhu malu, kria ambiente servisu nebe ladiak.

“Labele iha deskonfia ho hafuhu malu, ne’e la diak maibe ne’e iha ho ne’e labele, dehan PM Xanana ho lian makas.

Responde kona ba lia fuan kadi katak ne’ebe hato’o husi director KAK, PM Xanana hateten katak kadi katana maibe labele ema, se lae polisia bele kaer fali KAK.

“Los duni bainhira dehan KAK (Komisaun Anti Korupsaun) mosu hela ona ho katana, katana labele ta’a ema, lae hau haruka polisia kaer fali KAK,” koalia PM Xanana Gusmão.

Iha enkontru Nasional dala III entre PM Xanana Gusmão, Presidente Komisaun Funsaun Publika Liborio Pereira ho direktores tomak no Administrador Distritu, PM Xanana hateten, KAK mosu ona ho katana buat sira ne’e hotu lo’os, buat ida mos mak ne’e, se liberta fundionariu sira husi posiblidade hatu monu sala, nia sei lao diak.

“Uluk hau dehan Pakote Referendum, tamba hotu-hotu dehan Direktores, direktores koruptores, Pakote Referendum hasai tiha atu proteje imi, tamba estadu iha obrigasaun atu proteje, laos dehan imi sala, maibe proteje asai tiha posiblidade imi atu monu ba rai kuak, para imi lao servi ho diak,”koalia Xefe Governu AMP Xanana Gusmão.

KAK agora dadaun sei kadi hela nia katana ni aisuak halo kroat par abele lere koruptor sira iha nasaun foun ida ne’e.

“KAK hanesan to’os foun, to’os nain sira foin maka tama, ami nia aisuak no katana sira iha ona, maibe seidauk kroat, ne’ebe iha aitarak boot lubuk ida iha ne’eba ami atu tesi, tanba ne’e ami agora dadauk sei kadi hela,”informa director Jeral KAK Alexandre Freitas.

Entertantu PM Xanana Hatutan, nasaun atu sai diak, hotu-hotu tenki lao hamutuk ho hanoin ida deit atu servi povu ne’e ba moris ne’ebe diak.

“Iha Politika, normalmente ita Serba sala hela deit, ita halo buat ida mos sala, halo fali buat ida tan moss ala, maibe atu hatudu deit ba ita bot sira katak, iha tempu kriji alimentar mundial ninian ne’e, iha intervensaun ne’e subsidiu, maibe agora estadu tenki liberta an fo subsidiu, maibe agora estadu tenki libeta an husi subsidiu, hamlaha kedas ona fos to’o dadaun ona,”dehan xanana.

PM Xanana, tinan mai ne’e Timor Leste sei iha problema bot, tamba ema barak la kuda batar ho situasaun iklima ne’e, ne’ebe estadu prepara atu asisti ida ne’e, tenik PM Xanana. bdy/azs

Sem comentários:

Enviar um comentário