.
Josefa Parada - Kinta, 02 Dezembru 2010 - SUARA TIMOR LOROSAE
DILI-Atu hetan poder ema bele utuliza dalan oioin, balun utuliza dalan ne’ebe legal, tuir lei, maibe iha mos seluk ne’ebe uza dalan illegal.
Kargu bo’ot ida hanesan Direitur iha Ministeriu ruma bele hamoris ambisaun ema ruma atu okupa kargu refere, satan ema ne’ebe lidera Ministeriu ne’e mai husi Partidu ne’ebe hanesan (partidu ida deit). Iha fulan hirak liu ba, kargu Direitur Jeral (DJ) iha Ministeriu Ekonomia Dezenvolvimentu (MED) mamuk, tanba DJ Celestino dos Santos Cabral ba kontinua nia estudu iha rai liur.
Ministru Ekonomia no Dezenvolvimentu, Joao Goncalves, aproveita kedan oportunidade ne’e, hodi nomeia Direitur Nasional Administrasaun no Financas MED, Marito Magno, ne’ebe notabene sai mos hanesan Sekretariu Jeral Partidu PSD, atu okupa kargu refere.
Karta nomeiasaun ne’e MED hato’o ba Komisaun Funsaun Publika (KFP) hodi bele hetan konkordansia. Hafoin hetan karta ne’e, iha Fulan Novembru, KFP hato’o karta ida ba MED hodi fo kriteriu balun ba kandidatu ne’ebe sei okupa kargu DJ. Iha karta ne’e KFP fo hanoin ba MED katak bele propoin ema ruma sai DJ, maibe ema ne’e iha tempu hanesan labele sai fali hanesan Porta Vos partidu.
Prezidente KFP, Liborio Pereira, rekoinese katak, MED propoin tekniku superior ida hodi sai DJ iha ninia Ministeriu. Maibe, nia hatutan, tekniku superior ne’ebe MED propoin sei asumi mos kargu hanesan Sekretariu Jeral PSD.
“Komisaun depois de diskuti foti konkluzaun katak ne’e iha materia konflitu de interese,” deklara nia ba jornalista sira iha ninia servisu fatin, Kuarta, (01/12).
Josefa Parada - Kinta, 02 Dezembru 2010 - SUARA TIMOR LOROSAE
DILI-Atu hetan poder ema bele utuliza dalan oioin, balun utuliza dalan ne’ebe legal, tuir lei, maibe iha mos seluk ne’ebe uza dalan illegal.
Kargu bo’ot ida hanesan Direitur iha Ministeriu ruma bele hamoris ambisaun ema ruma atu okupa kargu refere, satan ema ne’ebe lidera Ministeriu ne’e mai husi Partidu ne’ebe hanesan (partidu ida deit). Iha fulan hirak liu ba, kargu Direitur Jeral (DJ) iha Ministeriu Ekonomia Dezenvolvimentu (MED) mamuk, tanba DJ Celestino dos Santos Cabral ba kontinua nia estudu iha rai liur.
Ministru Ekonomia no Dezenvolvimentu, Joao Goncalves, aproveita kedan oportunidade ne’e, hodi nomeia Direitur Nasional Administrasaun no Financas MED, Marito Magno, ne’ebe notabene sai mos hanesan Sekretariu Jeral Partidu PSD, atu okupa kargu refere.
Karta nomeiasaun ne’e MED hato’o ba Komisaun Funsaun Publika (KFP) hodi bele hetan konkordansia. Hafoin hetan karta ne’e, iha Fulan Novembru, KFP hato’o karta ida ba MED hodi fo kriteriu balun ba kandidatu ne’ebe sei okupa kargu DJ. Iha karta ne’e KFP fo hanoin ba MED katak bele propoin ema ruma sai DJ, maibe ema ne’e iha tempu hanesan labele sai fali hanesan Porta Vos partidu.
Prezidente KFP, Liborio Pereira, rekoinese katak, MED propoin tekniku superior ida hodi sai DJ iha ninia Ministeriu. Maibe, nia hatutan, tekniku superior ne’ebe MED propoin sei asumi mos kargu hanesan Sekretariu Jeral PSD.
“Komisaun depois de diskuti foti konkluzaun katak ne’e iha materia konflitu de interese,” deklara nia ba jornalista sira iha ninia servisu fatin, Kuarta, (01/12).
Bazeia ba dadus ne’ebe STL rekoila iha gabinete MED hatudu katak hahu iha fulan Outubru, Direitur Nasional Administrasaun no Financas, Marito Magno, asumi kargu foun nudar Direitur Jeral MED. Tuir funsionariu ida iha Diresaun Nasional Administrasaun no Financas katak Direitur Marito Magno asumi ona kargu nudar DJ hahu kedan iha fulan Outubru 2010.
Marito Magno wainhira hetan konfirmasaun, lakohi atu fo komentariu barak ho razaun hein hela MED ne’ebe sei halao viazen iha rai liur. Maibe, nia rekoinese katak, MED simu karta husi KFP, maske nune’e nia lakohi atu esplika kontiudu husi karta refere. “Imi (jornalista) hein ituan tan, Ministru fila mai mak ami esplika klaru,” katak nia. Konaba nia kargu foun, Marito rekoinese katak oras ne’e dadaun nia asumi ona kargu nudar Direitur Jeral Interino. “Hau agora halao hela funsaun hanesan Direitur Jeral Interino,” katak Magno.
Wainhira STL tenta halo intervista ho Ministru Joao Goncalves, maibe la konsege tanba Ministru ne’e sei halao viazen servisu iha estranjeiru. Jorgino Santos
Sem comentários:
Enviar um comentário